Xya’ pa k’utik ri cholchak ub’i’ “E ajch’akanel k’ak’al taq winaq ri’” rech uq’atexik k’ax ri’

184

Are taqim kiq’atexik ri alab’om alitom ri’ rech man ke’ok taq kuk’ molaj b’anol k’ax ri’, man ke’ok ta kuk’ ri e ajk’ayin awan kunb’alil, rech man kuk’ ri nuk’wokaj kamisanik ri’, are wa’ uwach ri cholchak xuya’ pa k’utik che ri Viceministerio rech Q’atenik b’anow k’ax ri’ xuquje’ che ri Subdirección rech Q’atel b’anow k’ax ri’ wokajil rech ri PNC, pa reqale’nib’al ri Capellanía rech Chajin Tinamit, “Capellanes Unidos rech taq Américas CUDELA”, eri cholchak ub’i’ “Jóvenes Triunfadores”, are kakoj ri’ pa ub’anikil chakunem pa tinamit rech Tecpán, Iximulew, chuxe’ upatanil ri Komontyox rech chi’.

Pa le riqb’al ib’ ri’ xek’oji ri e ajno’jinelab’ rech ri Viceministro Axel Romero, le Magaly Morales xuquje’ le Manuel Tahuite, eri  Subdirector rech Q’atel k’ax rech ri PNC, Antonio Tzuban Gómez , ri secretario rech SDGPD, Carlos Quiñones, xuquje’ ri Norma Hasbum rech ri Capellina Policial rech PNC, ri capellán internacional Wilfredo Luna, ri k’amal b’e kech ri Capellanes Unidos rech taq ri Américasel, Mynor Marroquín ri’.

Eri cholchak ub’i’“Jóvenes Triunfadores” kumaj k’ut pa taq le k’isb’al q’ij pa we junab’ ri’ pa uk’olib’al qojom rumal ri Iglesia Galilea, ri kano’jisax upam ri’ ruk’ kitob’anik ri k’amal b’e rech chi’ xuquje’ kumal taq ri wokajil e ya’el ilonem chi ke ri alab’om alitom ri’, are rech kakoj pa uk’iyemal uchak patan taq le tijob’al ri’ rech kakiya’o loq’ taq tijonik, rech no’jk’aslemalil, rech loq’ kojb’alil xuquje’ rech loq’ unimaxik ub’anikil amaq’ tinamit ri’.

Eri tijonem ri’ are xya’tajik pa kab’lajuj taq uwach wuqq’ij chi ke ri alab’om alitom ri’, ri ke’opn ri’ pa taq q’ijol taq xuquje’ rech katerenb’ex katijoxik pa le cholb’al taq tijob’enik ri’ chi rij no’jk’aslemalil, chi rij ub’anikil tijonem, chi rij ub’anikil je’lalil b’anow ri’, chi rij ub’anikil etz’anem ri’, chi rij taq utzwachil rech q’atel b’anow k’ax xuquje’ chi rij ub’anikil k’amow taq b’e ri’.

Pa k’isb’al rech ri b’anow tijonem ri’ eri tatb’enel kaya’taj ri jun kiwujil ri’, are rech uloq’oxik kib’antajil ri’, ya’tal b’a’ ketatb’enik pa le cholb’al chak ri’, are ri’ ya’talil chi ke rumal utz jikom kib’antajil ri’, rech kekowinik kakik’am uwach taq chakunem ri k’o pa ya’talil chi ke ri’.

Rumal ri’ are katzukuxik kitob’anik ri wokajil rech ri taqawokajil ri’ are rech b’a’ eri cholb’al chak ri’ kakojotajik pa taq nik’aj chik tinamit ri’.

 

COMPARTIR