K’o jun kojb’al tob’chakub’al rech k’o yab’al ub’ixik loq kumal tinamit kya’ na pa k’utik

248

Eri viceministro de Seguridad de Gobernación, Ricardo Guzmán, xuya’ utzijoxik che tajin reyexik rech kak’utik are rech kakikoj ri winaq rech wexa’ k’o kakiya’ loq ub’ixik k’a pa jun ch’a’wb’alil ri’, are rech pa aninaqil kutoq’ij ri ya’olchajinik kumal ri e ajchajil tinamit ri’.

Eri Guzmán, xkub’isaj ub’ixik che: “we jun kojb’al tob’chakub’al ri’ are nim katob’anik chi ke ri winaqil wexa’ kek’owin taj ke’opanpa le Ministerio Público (MP), ya’talil rech kakib’ij loq pa le we jun ub’anikil ri’”.

Xuquje’, xuya’ ub’ixik che ri tzijolil ri’ are ko’ksaxik loq pa we ub’anikil tob’chakub’al ri’ rech kaq’ansax pa jun retalil pa le uwachwuj kemamtzij chi rij ri qas kak’ulmataj wi b’anoj k’ax kamisanik ri’.

Xuquje’ eri viceministro Guzmán, xkub’isaj ub’ixik che katajin che chak chi kij konojel ri winaqil e aj iximulew ri’.

 “Qonojel k’ut qaminom qib’ che kiq’atexik ri b’anoj k’ax elaq’nik ri’, rumal ri’ kinta chi ke ri winaq chech’a’w loq pa le 1574 xuquje’ pa le 110”, xcha’ ri Guzmán.

Xuquje’ xub’ij che: “Ri uj kaqaj kaqata’ uwach Iximulew xuquje’ Petén, rumal ri’ kojtajin che ukojik qachuq’ab’ pa le chak patan chi kij ri’”.

Rumal k’u ri’ k’o jun molaj ajchajinelab’ kojtajin che kitaqik pa Petén ri’ rech ketob’anik chi ke ri PNC chi’ pa we tinamit ri’ xuquje’ rech kakitzukuj uwach juntir ri’ xuquje’ rech kaq’atexik ri b’anoj k’ax chi’.

Xuquje’ xuya’ ub’ixik che e k’o k’ak’ taq eqa’lenelab’ katajin kikojik na pa le ya’olchajinik chi ke ri winaqil tinamit ri’.

Taqom usik’ixik ri’

Eri K’amal b’e rech ri Comisión Específica rech Uwokik xuquje’ rech Uk’iyemal ri Petén ri’, Jaime Regalado, rech ri Bancada Movimiento Reformador, xutaq usik’ixik ri viceministro, ri K’amal b’e rech ri Wokajil Ajchajil Tinamit (PNC), ri viceministro rech ri Ministerio rech ri Defensa Nacional, Oscar Cossió xuquje’ ri  Gobernadora rech Petén, Xiomara de Santos, rech karaj kareta’maj ri ya’olchajinik kumal ri e ajchajil tinamit chi’ pa Petén.

 

Swiffy Output
COMPARTIR