Eri K’amal b’e amaq’ xki’kotirsaj kuwach ri PNC xuquje’ sib’alaj xuq’oxomaj kikamik le ajchajil pache’ ri’ ruk’ kikamik ri eqa’lenelab’ ri’

153

Eri Nimak’amal b’e rech Amaq’il, Jimmy Morales, xuki’kotirsaj kuwach ri Wokajil Ajchajil Tinamit (PNC), rumal k’ut ri kichak kipatan xkib’an pa le kesaxik ri kajib’ ajchajinelab’ che ri e chapom pa le Centro rech Privación Juvenil Etapa II ri’. Xuquje’ sib’alaj xuq’oxomaj kikamik ri kajib’ e ajchajinel ri’ xuquje’ ri e oxib’ e ajchajil tinamit aretaq ketajin pa chak patan ri’.

“Ruk’ ronojel qanima’ ruk’ b’isonem ujk’olik rumal kikamikal ri e ajchajinelab’ ri’. Are wa’ jastaq che ri tajin xk’ulmataj pa Iximulew ri’ ri utz taj che ri jewa’ katajin ub’anik ri’ rumal ri’ rajawaxik b’a’ kaqachomaj che we amaq’ ri’ rajawaxik kajtob’anik rech kachomaxik uq’atexik ri b’anow k’ax kamisanikr i’” xcha’ ri Morales.

Eri Ministro rech Gobernación, Francisco Rivas Lara, xuya’ ub’ixik che ri ub’anikil ya’olchajinik chi’ sib’alaj utz ri xb’an chech ri’ rumal man k’ot jun k’aqanik tane’ xb’an chi ke ri e tz’apil chi’, man xb’an ta k’ax chi ke.

Xuquje’ xuya’ ub’ixik che rech man k’ot chik k’ax kab’an pa taq japache’ pa we amaq’ ri’, xtaq ub’ixik chi ke ri e ajchak ri’ rech pa taq le japache’ k’o pa we amaq’ ri’, are rech b’a’ utz b’a’ ri ya’olchajinik kakib’an ri’ che ri kachajixik ri e ajpache’ ri’.

“Sib’alaj qeta’m k’ut chinaq ri keb’anow ri k’ax ch’ojinik ri’, rumal k’u ri’ qaya’om ub’ixik ri’ pa juntir uwach ri wokajil rech ri SP ri’ rech b’a’ kaq’atexik xa’pa che chi k’ax kak’ulmataj chi’”.

Xuquje’ xuya’ ub’ixik che ri b’iw b’anow k’ax ri’ kumal nik’aj molaj b’anol k’ax xaq katajin kakib’an ri’ pa taq le wokajil rech q’atb’altzij ri’ “aretaq we kichap jun molaj b’anol k’ax ri’ jeri’ kakib’an ri’ rumal kichapik ri’, pa taq le tzukunem ya’olchajinik xuquje’ aretaq we k’o karaqik ri’, pa amaq’el jeri’ b’anow k’ax kakib’ano rech kikaj kakimino b’anow xib’al ib’ chi ke ri ajq’atol taq tzij ri’”.

Eri K’amal b’e rech ri PNC, xub’ij eri b’iw b’anow k’ax ri’ jeri’ kib’anom ri’, emu wa’ ri komon chak ya’olchajinik kumal ri Ministerio Público xuquje’ ri PNC are pa keb’ uwach katajin ri’ are rech pa aninaqil kiq’atexik ri’, jun k’utb’al rech ri’ are taq le ub’anikil kichapik xb’antaj pa aninaqil e 13 b’anol k’ax chi ke ri’ rumal kab’ixik e are xkik’aq ri eqa’lenelab’ e ajchajil tinamit ri’.

COMPARTIR