Eri pwaqil rech tojb’al chak pa le 2017 are qas chi rij ya’olchajinik ri’

188

Eri Quinto Viceministro Antinarcótico Oscar Dávila Mejicanos are jun xk’oji pa le riqb’al ib’ rech chomanem chi rij ri Pwaqil rech Tojb’al Chak pa 2017, ri xk’oji pa ub’i’ ri Ministro rech Gobernación Francisco Rivas Lara, pa le xya’ wi’ utzijoxik xaq’ansaxik uwi’ ri pwaqil tojb’al chak ri xchomaxik rech pa jun chik junab’ ri’.

Pa le riqb’al ib’ chomanik ri’ xk’oji ri K’amal b’e rech Amaq’il Jimmy Morales ri xuya’ ub’ixik che ri pwaqil rech tojb’al chak ri’ pa oxib’ uwach ri’ ukojik kab’anik: pa le ya’olchajinik ruk’ suk’umalil; pa wokajil utzwachil ronojel ri’ xuquje’ le kub’sib’al yab’al rikilem ri’; pa le uya’ik kichak patan ri winaqil ruk’ tojb’al kech ri’.

Eri Ministerio rech Gobernación kuchakuj na pa jun chik junab’ ri’ Q. 727.1 millones, pa jun 8.5 % rajilal pa ronojel ri xaq’an che ri upwaqil rech tojb’al uchak patan pa le junab’ 2016, are rech yab’al uchuq’ab’ uchak patan ri taqawokajil ri’, rech kanimarsax ropanb’al uwach uchak patan ri Wokajil Ajchajil Tinamit ri’ xuquje’ ruk’ ri Wokajil Japache’ ri’.

Eri pwaqil rech chokonsab’al qas xya’taj che ri Ministerio rech Gobernación ri’ xuquje’ chi ke ri nik’aj chik wokajil rech q’atoj tzij ri’, ri are rumal q’atenik che ri b’anoj elaq’nik pa taq wokajil ri’ xuquje’ rumal kiq’atexik ri b’anoj ka’x kamisanik pa we amaq’ kamik ri’, ruk’ wa’ are rech kaya’ uchuq’ab’ ri chak patan katajin we kamik ri’.

Eri Nima K’amal b’e Morales xtoq’inik chi ke ri Ministros xuquje’ chi ke ri Secretarios rech kakisach b’a’ ri pwaqil tojb’al chak ri’ pa usaqilem ri’ xuquje’ rech kakiloq’oj ya’tal uwi’ ri pwaqil tojb’al chak chi ke ri’.

Swiffy Output
COMPARTIR