Eri pwaqil rech tojb’al chak pa le junab’ 2017 are qas uya’om pa saq rech kakoj pa le Wokajil Japache’ xuquje’ pa Wokajil Ajchajil Tinamit ri’

84

Eri Ministro rech Gobernación Francisco Rivas Lara xopan pa jun riqb’al ib’ sik’im wi pa le Congreso rech Amaq’ilal rumal ri Komon rech Ajchomal Pwaqil, rech xetax rij ri pwaqil rech tojb’al chak kakojik pa le junab’ 2017 pa le uwokajil ri ya’olchajinik suk’umalil ri’.

Eri pwaqil rech tojb’al chak ri’ are uta’om ri Ministerio rech Gobernación rech kukoj pa jun chik junab’ petinaq ri kopan pa Q. 5 mil 366 millones pa ronojel ri’, k’o jun 20% aq’aninaq che man junam ta ruk’ kojpa’ ri rech pa we junab’ ri’.

Eri Ministro Rivas xub’ij che ri xaq’ansax che ri pwaq rech tojb’al chak ri’ are pa Q. 892 millones ri are kakoj ri’ pa usuk’umaxik ri Wokajil Japache’ ruk’ ri Wokajil Ajchajil Tinamit ri’, xuquje’ rech kanimaxik ri kojpa’ ri chomam chik, are rech kaq’atexik ri b’anow k’ax kamisanik ri’, rech ya’talil pa chajinem ri umeb’ilal amaq’ tinamit ri’ xuquje’ rech kakoj pa le k’ak’ uwach ri Wokajil Japache’ ri’ kayak ri’ pa le kisuk’umaxik ri e ajpache’ ri’.

Pa le Wokajil Japache’ ri’ are qas choman chik are pwaqil ri’ kakoj pa le uya’kik ri oxib’ Ja Tz’apib’al ri’, pane’ b’a’ man ch’ob’om ta na jaw chi’ keyak wi, ri qaraj are kayakik pa taq le juyub’ tinamit rech Iximulew ri’, pa Jutiapa xuquje’ pa Zacapa pa le Japache’ Tz’apib’al ub’i’ Los Jocotes, xuquje’ pa le rachoch ri uwokajil ri Ajchajil Tinamit ri’, rech ri cholchak rech q’atel b’anow k’ax, rech q’atel b’anow kamisanik ri’, xuquje’ rech ya’talil chajinem pa tinamit winaqil ri’ xuquje’ rech ya’olchajinik tzukunik ri’.

Xuquje’ katerenb’ex na ruk’ ri chak rech ya’b’al uchuq’ab’ ri ya’olchajinem pa we amaq’ ri’ ruk’ uya’ik kiwujil keqale’nib’al ri e 2,100 k’ak’ eqa’lenelab’ rech ri PNC ri ketaq ri’ pa taq le 22 Comisarías xuquje’ rech ya’b’al tob’anik chi ke ri Unidades Especiales rech Investigación ri ketob’an che ri Ministerio Público.

Eri taqawokajnel ri’ xub’ij che ri are kuch’ob’o che ri ya’olchajinik chi ke winaqil pa tinamit ri’ are reqale’nib’al ri Ministerio rech Gobernación xuquje’ ri Wokajil Ajchajil Tinamit ri’, xuquje’ katajin uch’ob’ik uchomaxik ri’ rech man ke’al ta chik pa ya’olchajinik ri Wokajil Ajchajil Amaq’ ri’ pa tinamit, eri kechajin chik pa kitukel are ri’ ri PNC, ruk’ ri k’ak’ 4,000 eqa’lenelab’ ya’olchajinik ke’al pa tijob’al pa jun chik junab’ ri’.

Eri Ministro Rivas xub’ij che ri utatb’enik ri’ are ri’ rech kachomaxik ri nuk’ub’al ri pwaqil tojb’al chak patan ri xkow uwach rumal ri Nim Q’atb’altzij ri’ xuquje’ rech man k’ot kesax che uwach ri pwaq kaya’ che ri Wokajil Ya’olchajinik ruk’ ri q’atoj tzij ri’, ri xya’taj che rumal ri Ministerio rech Finanzas ri’.

rumal ri’ eri Nima K’amal b’e rech ri Comisión rech Finanzas, ri diputado Jairo Flores, ri are xub’ij che ri katajin ub’anik ri c

Swiffy Output
COMPARTIR