Eri Viceministro rech q’atenik b’anoj k’ax ri’ Axel Romero xmolin kuk’ taq ri ajkalte rech San Lucas Sacatepéquez Yener Plaza Natareno xuquje’ kuk’ ri ajchomanelab’ rech Q’atb’altzij rech K’iyemalil rech xkitzijoj ri ya’olchajinik rech q’atenik b’anoj k’ax pa tinamit chi’.

Pa le molinem chomanik ri’ xk’oji ri Uk’ab’ K’amal b’e rech ri Wokajil Ajchajil Tinamit (PNC) José Antonio Tzuban, ri Woksolinel rech ri Wokajil rech Q’atenik B’anoj K’ax pa taq komon winaqilal ri’ (UPCV) Juan Orozco xuquje’ ri q’atb’altzij rech ri PNC chi’.

Eri q’atb’altzij rech q’atb’altzij chi’ xkita che ri Viceministro Romero utob’anik ri Ministerio rech Gobernación chi ke rech kak’exik ri Ch’olchak Q’atb’altzij rech Ya’olchajinik ri’, rumal k’ut e chi’ e k’o k’iyalaj taq ak’alab’ sib’alaj kakitijo ri itzel kunab’al q’ab’arsab’al ri’ je ri’ kumal ri alab’om alitom rech taq tijob’al chi’.

Rumal k’ut ri k’axk’olil ri’ xkita jun ub’eyal ya’olchajinik rech q’atenik b’anoj k’ax chi’, xuquje’ xkita rech k’o tzijonem k’uttijonik kaya’ chi ke ri ajtijoxel chi’ xuquje’ chi ke ri tat nan rech ketzijob’exik ri’.

Eri Viceministro Romero xub’ij che ri uchak patan ri’ are rech kuya’ tob’anik rech ya’olchajinik ri xta che rumal q’atb’altzij chi’, rech kachakux ri’ ruk’ taq uchakuxik uwach taq ch’ob’otal chak ri k’o pa le urox Viceministerio ri’, kojpa’ ri Kub’sib’al Tijob’al ri’, eri k’uttijonem are ya’talil ri’ rumal ri Subdirección rech  Prevención rech ri Delito rech PNC xuquje’ eri tijonem are ya’talil rumal ri Programa Dare are ya’talil ri’ chi ke taq ri ak’alab’ xuquje’ chi ke ri alab’om alitomab’ rech ke’esax pa le tijob’al awan kunab’al xuquje’ pa kiq’ab’ molaj b’anol k’ax ri’.

 “Kab’an ri’ jun etab’anem chi rij ri k’axk’olil ri’ rumal ri UPCV rech kilik janipa’ uwach ri rajawaxik kachomax pa le Uq’ab’tinamit ri’ xuquje’ rech katzukuxik pa le cholb’al chak k’o ri’”, xcha’ ri taqawokajnel ri’.

Eri Ajkalte Plaza xuya’ ub’ixik che are rajawaxik k’o yab’al uwach pa komon kuk’ ri q’atb’altzij xuquje’ sib’alaj xumaltyoxij ri tob’anik xya’taj chi ke rumal ri Ministerio rech Gobernación ruk’ ri PNC ri’.

Swiffy Output
COMPARTIR