Ri nab’e q’ij rech ri ya’olchajinik are xb’antaj kowinem xsach uwach oxib’ q’inomalil raqan taq ichaj rech amapola ri’

166

Eri xchakux uwach pa le nab’e q’ij pa le resaxik ri amapola pa le Aldea Tuichán, Ixchiguán, pa le juyub’ tinamit rech San Marcos utz k’u ri’ uwachinik tajin kuya’o rumal ri komonchomanik chi kuwach ri Uro’ Viceministerio Antinarcótico kuk’ ri Wokajil Ajchajil Tinamit ri’.

Pa le nab’e taq kajb’al ri’ xb’antaj kowinem xesaxik pa 91 peraj juyub’ rech amapola ri’, ri k’o jun nima uwach rech 56,712 Mts. 2, chi’ k’u ri’ xqupix wi 3 millones 117 mil 524 raqan ichaj ri’ are rajil ri’ Q.77 millones 938 mil 109.00 ri’.

Eri Viceministro Antinarcótico, Oscar Dávila Mejicanos xuya’ ub’ixik che rumal k’ut ri utzalaj taq chakunem katajin kumal ri jalajoj pa kiwokajil ri Ajchajil Tinamit ruk’ ri e Ajchajil Amaq’ rech Iximulew, xb’antaj kowinem xoksataj le ya’olchajinik chi’ xuquje’ rumal ri’ xb’antaj kowinem ri ya’olchajinik kumal pa taq le juyub’al ri’ che ri qas kab’an wi ch’ojinik ri’.

“Pane’ b’a’ sib’alaj k’ax katajin pa chuwi’ taq juyub’ ri’ xekowin k’ut xe’ok chi’ ri Fuerza Especial rech Ajchajin Tinamit (FEP) pa nik’aj ch’ich’ Jeep J8 xuquje’ pa kiwokajil ri eqa’lenelab’ xe’ok chi’ che b’anow kichak kipatan ri’”, xcha’ ri Dávila.

Pa taq le utzalaj xchakuxik chi’ k’o ri’ jun nimalaj tzukunem xb’anik xuquje’ rumal ri’ xraqataj chi’ jun raqarik k’aqb’al ruk’ ub’aq’ ri’.

Eri taqawokajnel ri’ sib’alaj xumaltyoxij chi ke konojel ri taqanel xuquje’ pa kiwokajil ri ajchajinelab’ rumal xe’opan chi’ che resaxik rech kachupisax uwach ri iwan ichaj chi’ rumal ri’ k’o kab’lajuj kajb’al sib’alaj xechakun ri’.

COMPARTIR