Eri Cholchak patan rech Escuelas Seguras man k’ot b’anow ch’ojinik chi kuwach ri ajtijoxela’ kuk’ut ri’

198

Pa le junab’ 2017 man k’ot b’anow taq ch’ojinik xq’alajin chi kuwach taq ri ajtijoxela’ rech taq ri Tijob’al ib’ k’o pa taq Uk’u’x Nimatinamit, pa Chimaltenango, pa Chinautla, pa Villa Nueva xuquje’ pa San Juan Sacatepéquez, are wari’ k’o pa retal ri’ rumal taq ri tzijob’en ib’ pixb’anik ya’om chi ke taq winaq e ajno’jchakunelab’ rech ri Wokajil rech Q’atel B’anow K’ax (UPCV) xuquje’ rech ri Subdirección rech Q’atel B’anow K’ax ri’ rech ri Wokajil Ajchajil Tinamit (PNC), pa le cholchak upatan ri Escuelas Seguras, jeri’ xuya’ utzijol ri viceministro rech q’atel b’anow k’ax, Axel Romero.

Kaqaya’o ub’ixik b’a’ eri pa junab’ 2015 k’o b’elejeb’ chi b’anow ch’ojinik xkib’an ri’ ri e ajtijoxela’ pa le Uk’u’x Nimatinamit ri’, chi’ k’o ri’ k’o jun xkam chi ke ri’ xuquje’ k’o jun chik ub’aq’uwach xesax ri’.

Eri Romero xutzijoj ri’: “Eri ch’ojinik xb’an ri’ pa jujun taq viernes xuquje’ are wa’ xq’atatajik ruk’ ri tzijob’enik pixb’anik xya’taj chi ke ri’ chi rij utz kakil kib’ ri’ xuquje’ chi rij taq k’amow b’e chomanik kuk’ taq konojel ri tinamit e ajtijoxela’ ri’ xuquje’ ruk’ jumulaj taq b’anow chak patan kuk’ taq ri alab’om alitom ri’ xuquje’ kuk’ ri’ k’o komonchomanik rech tob’anik xekoj pa le escuelas seguras ri’ xuquje’ e are k’ut kechakun rech ri q’atel b’anow k’ax ri’”.

Eri taqawokajnel ri’ xuquje’ xkub’isaj ub’ixik che katajin nim ya’el ilonem chi ke ri alab’om alitom ri’ are rech utz ri kakikoj wiri’ kachuq’ab’ ri’ xuquje’ rech man kakik’ulu kib’ rch kech’ojin ta chik ri’ chi kuwach kuk’ nik’aj chik alab’om alitom ri’.

Eri José Antonio Tzuban, k’amal b’e rech ri Q’atel b’anow k’ax ri’ rech ri PNC, ruk’ utob’anik ri tzijob’enik rech q’atenik b’anow ch’oj ri’ pa oxib’ uwach ub’anik ri b’anow pixb’anik xb’an pa taq le tijob’al ib’ rech pa taq le zonas 1,6, 7, 12, 18 xuquje’ pa Ciudad Quetzal, pa Villa Nueva, pa Chinautla, pa San Juan Sacatepéquez. Rech jun ya’oltob’anik xetaq ri’ e 102 chi eqa’lenelab’ pa taq tiijob’al e k’ot pa kub’sib’al tijob’al ri’ xane’ pa taq le tijob’al e k’o panoq ri’.

“Kojtajin k’ut che uya’ik tob’anik pa taq le 81 tijob’al ib’ chi ke e ajtijoxela’ pa we amaq’ tinamit ri’, pa taq saqarib’al, qajib’al q’ij xquje’ chaq’ab’, chi’ e kojom wi pa taq wokja ajchajil tinamit ri’ xuquje’ are wa’ k’o utzalaj uwach ya’olchajinik b’anom ri’ are wari’ uya’ik uchuq’ab’ ri jikomal ronojel q’ij chi’ ri’”, xkub’isaj ub’ixik ri Tzuban.

Eri cholb’al chak patan pa taq le kub’sib’al tijob’al ib’ ri’ are katajin ri’ pa taq le b’anow tijob’al ib’ ri’ ruk’ wa’ kawok kuwach ri ajchomanelab’ kuk’ ri e ajtijoxela’ ri’ rech ketob’an pa le cholb’al chak patn ri’, rumal ri’ xq’atataj kuwach ri alab’om alitom rech man xe’ok ta chik pa taq le b’anow ch’ojinik ri’.

COMPARTIR