Eri cholchak rech q’atenik b’anoj k’ax kakoj ri’ pa Chimaltenango

225

Eri kutaqij ri cholchak ri’ are rech kuya’ kub’sib’al k’u’x chi ke taq ali, taq ala, chi ke alab’om alitom xuquje’ chi ke k’ak’al winaq ri ya’talil k’o jun loq’ kik’asb’ik ri’, pa joremal xuquje’ ruk’ maj b’anoj k’ax ri’, rumal ri’ eri Urox Viceministro rech q’atenik b’anoj k’ax, Axel Romero, xk’oji pa le juch’uj wujil rech ch’ob’on chomanik ri kab’an pa le cholchak rech ya’olchajinik xuquje’ rech q’atenik b’anoj k’ax pa le tinamit rech Chimaltenango ri’.

Eri cholchak ub’i’ “Ya’olchajinik juntir ruk’ q’atenik b’anoj k’ax chi ke taq ala, ali, chi ke alab’om alitom xuquje’ chi ke k’ak’al winaq rech taq ri tinamit rech ri SICA”, (PREVJUVE), ri pa ub’eyal komonb’al ri’ xuquje’ ri ke’ukoj ri k’ak’al winaq pa le cholchak ri’ ri keraqataj pa maj kub’sib’al k’u’x ri’ xuquje’ ri man k’ot kipwaqilal ri’.

Ri rech kakojik ri cholchak PREVJUVE ruk’ utob’anik xuquje’ upwaqil ri Agencia Española rech Cooperación Internacional (AECID) xuquje’ rumal ri Wokajil Cholchak rech Naciones Unidas rech K’iyemalil (PNUD), pa komon tob’anik ruk’ ri Ministeerio rech Gobernación, ri Secretaría rech Bienestar Social xuquje’ ri Q’atb’altzij rech Chimaltenango.

Eri Igor Garafulic, k’amal b’e rech ri PNUD pa Iximulew, xuya’ ub’ixik che we ch’ob’otal chak ri’ are kakojik pa taq le tinamit e k’o pa komonb’al pa le SICA xuquje’ are uwach ri’ ri ub’eyal pa rulewal tinamit centroamericana rech ya’olchajinik chi’.

 “Kaqeye’j k’ut kuk’am uchuq’ab’ ri uq’ab’tinamti ri’ rech kakik’am uq’ab’il wa’ kumal ri alab’om alitom ri’, are rech ke’ok pa le patanem rech ri q’atenik b’anoj k’ax xuquje’ rech ketob’anik che ub’anik ri utzilem ri e k’ak’al winaqilal ri’”, xcha’ ri Garafulic.

Rech man kaya’ ta kan ri komon chakunik taqawokajil ri’ xuquje’ are rech katerenb’exik upatanixik ri ch’ob’otalc hak ri’, rumal ri’ xjuch’ k’ut jun wujil rech ch’ob’onem chomanik ri’ chi kuwach ri q’atb’altzij rech ri Ministerio rech Gobernación, ri Secretaría rech Bienestar Social, ri Q’atb’altzij rech Chimaltenango, ri SICA xuquje’ rumal ri Cooperación Internacional PNUD y AECIDEl eri  viceministro Romero xuya’ ub’ixik ri’ che ruk’ kakojik ri cholchak ri’ rech ub’eyal yab’al ilonem chi ke ri k’ak’al winaq ri’ xuquje’ rech k’o k’i b’anoj tijob’enik kab’anik, rech kak’iysax uwachil ri’.

 “Are kaqaj k’ut kub’an jun ub’eyal sib’alaj rech kakojik pa le kichomaxik ri q’atenik b’anoj k’ax chi ke ri k’ak’al winaq ri’ xuquje’ rech kamajtaj ukojik jun ch’ob’otal chomanik pa rulewal taq tinamit ri’ rech kachomaxik uq’atexik ri b’anoj k’ax pa taq le komon winaqilal ri’”, xcha’.

Eri Carla Hanania, k’amal b’e pa rulewal taq tinamit rech ri programa PREVJUVE, xuya’ ub’ixik che ri k’ak’al winaq ri’ e are k’ut ri qas kenimaxik rech k’o yab’al utzilem chi ke pa le ch’ob’otal chak ri’ xuquje’ rech k’o yab’al ilonem chi ke ri taq ak’alab’ xuquje’ chi ke ri e alab’om alitom ri keraqataj pa k’axk’olil ri’, xuquje’ rech ri e ak’alab’ ri’ kekoj pa le choman ib’ ri’ ri kakiq’i’ ri’ unimaxik ri pixab’ taqanik ri’.

Eri ch’ob’otal chak ri’ are karaj kumol ri komon q’ab’ tob’anik kuk’ ri q’atb’altzij rech uq’atexik ri b’anoj taq k’ax ri’.

Swiffy Output
COMPARTIR