Eri Cholchak rech Tijob’al Kub’sib’al K’u’x kanimarsax kakojik pa le 2017

298

Eri cholchak rech Tijob’al Kub’sib’al K’u’x rech ri Wokajil Q’atel k’ax rech ri Wokajil Ajchajil Tinamit ri’, we kamik ri’ tajin che uya’ik nim tob’anik pa taq le 134 Tijob’al Tijonik pa we amaq’ ri’, k’o jun ucholchak rech kanimarsax ukojik uwach pa le junab’ 2017, pa taq le juyub’ tinamit che ri qas kak’ulmataj wi’ k’ax ri’.

Pa we junab’ ri’ kopan pa 160 rajilab’al ri Tijob’al ri’, wari’ choman chik rilik kab’an ri’, xa’ junam rajilab’al tijob’al kuk’ kajilab’al ri ajtijoxela’ kakoj ri’, pa taq k’olib’em che ri qas kak’ulmataj wi b’anow k’ax pa taq le 30 uq’ab’tinamit ri e kojel chupam wa’ ri Ub’eyal Ub’anikil Ya’olchajinik pa Tinamit ri’.

Eri Viceministro rech Q’atel k’ax, Axel Romero, xuya’ ub’ixik we kamik ri’ ilom chik k’i k’olib’alil ri’, pa le tinamit rech Iximulew ri k’o pa taq le zonas 6, 7, 18 xuquje’ pa 21 rech pa Uk’u’x Nimatinamit ri’ xuquje’ pa taq tinamit rech  Chinautla, Mixco xuquje’ Villa Nueva, xuquje’ pa taq k’i Tijob’al kech Ak’alab’ ri’ rech taq Sacatepéquez, Escuintla xuquje’ Izabal.

Eri Escuelas Abiertas are wa’ jun cholchak che ya’tal kitob’anik che kumal 100 eqa’lenelab’ rech ri PNC, che tajin kechakunik rech ketob’anik che ya’olchajinik chi ke ri ajtijoxela’ pa taq le tijob’al kech taq ak’alab’ ri’ xuquje’ rech ketijon chi rij uya’ik pixab’ tijonik ri oxib’ uwach ya’b’al ilonem kakib’an ri’.

Eri nab’e uwach ri’ are b’anow taqkil ruk’ ri komon tijonem ri’, chi’ k’u ri’ ketzijon wi kuk’ ri ajtijoxelab’, kuk’ ri ajtijonel xuquje’ kuk’ ri tat nan ri’, chi rij taq k’i uwachtzijonem rech ya’b’al uchuq’ab’ loq’ob’al ib’, rech b’anow utzil pa tinamit xuquje’ chi rij q’atel k’ax utijik awan kunb’alil ruk’ taq tzam ri’.

Eri ukab’ wuach ri’ are ri Chajinik pa le Tijob’al ri’, chi’ k’u ri’ k’o jun patrulla ya’tal chi’ rech kachajin pa le ki’okik xuquje’ ke’al b’ik ri tijoxel pa taq le tijob’al ri’, xuquje’ are kitaqkil rech pa komon kechajin chi ke nik’aj chik Tijob’alil rech k’o kub’sib’al k’u’x chi rij taq panoq ri’.

Xuquje’ eri urox uwach chik eri ya’b’al tijob’enik ruk’ taq ri Komonb’al che ri e are jun ketatb’enik ri COCODES,  ri Comités rech Winaq chi’ xuquje’ kuk’ ri konojel ri Komonb’alil chi’ rech pa wokajil k’o jun nim yab’al chajinik xuquje’ rech ub’anikil utzilem chi rij panoq ri’.

Eri Viceministro Romero, xuya’ ub’ixik che ri unimal upatan we jun cholchak ri’, are rech pa komon b’a’ kachakuxik ruk’ ri Ministerio rech Tijonem, che pa reqale’nib’al ri Dirección General rech Educación Física –DIGEF-, k’o Q 3 millones, chi pwaq kasach ri’, ruk’ wari’ are keyexik kakoj chi kij ri 160 uwach Tijob’al ri’.​

COMPARTIR