Eri cholchak patan rech nimab’al pa amaq’ xuya’o utzil chi ke e jo’ob’ mil alab’om alitom

568

Eri Viceministro rech Q’atel B’anow K’ax, Axel Romero, are ri k’amal b’e rech ri uro’ riqb’al ib’ uchomanik ri Komon pa Tinamit rech Nimab’al pa Amaq’ ri’ chi’ k’u ri’ xe’etax wi ri cholchak ri xekojik pa le 2016 xuquje’ ri xb’an wi ri jun uchomaxik taq ri cholchak rech kepatanixik pa jun chik junab’ ri’.

Eri Viceministro Romero xuya’ ub’ixik che pa le riqb’al ib’ ri’ xb’an wi ri k’utb’al rech jas le ub’anik utz’apixik xb’anik ri wuqub’ cholchak ri xkojik pa we junab’ ri’ ruk’ ri xchomaxik kakoj pa le 2017, xuquje’ kojpa’ ri cholchak b’anom chik rech kakojik pa taq ri taqawokajil ri’ xuquje’ ri ya’tal pa taq uq’ijol ukojik ri’ kojpa’ ri kutaqan wi ri taqanik ri’pa le utoq’ixik ri’ le Nimab’al pa Amaq’ ri’.

Pa taq le cholchak xechakutaj uwach ri’ k’o utzilem xuya’o ri’ chi ke e oxib’ mil chi alab’om alitom ri’ pa taq le jalajoj uwach chak patan ri’kojpa’ pa le: Ujipixik uwach pa taq Juyub’alil rumal ri Ministerio rech Tiko’ninem, rech Wakax xuquje’ rech rikil tzuqub’al ri’, rech tijob’enik wa’katem pa taq nimab’e ri’ rech ri Departamento rech Tránsito rech ri Wokajil Ajchajil Tinamit, rech Kanimab’alil ri Alab’om Alitom pa le q’atenik b’anow k’ax ri’ pa taq juyub’al k’olib’em ri k’o raqib’al k’ax ri’ upatanim rumal ri Secretaría rech Bienestar Social, loq taq K’ak’al winaq alab’om alitom ri’ sib’alaj katqaj chi’ pa le Ministerio rech Cultura xuquje’ Deportes, rech Toq’inik Chak patan pa taq tinamit k’olib’em rech ri tzoqopitalil chomanik pa tinamit xuquje’ rech ri k’iyemal ri’, rech taq Toq’inelab’ Winaqil rech Utzwachil xuquje’ rech upatanixik kajulew ri’, rech ri Asociación rech Amigos rech ri K’iyemal xuquje’ rech Joremalil xuquje’ rech ri Winaqilal Ya’talil kuwach pa chak patan tob’anik ri’ xuquje’ rech Q’atenik Raqow k’ax rumal Kajulew ri’ rech ri Ministerio rech ri Defensa xuquje’ ri Reservas Militares ri’.

Pa jun chik junab’ ri’ choman chik rech kakojik lajuj chi cholb’al chak patan ri xeya’ pa k’utik ri’ kumal chi kijujunal ri taqawokajilal ri’, ri e oksam pa le riqb’al ib’ rech ri Komonchomanik pa Tinamit ri’, xuquje’ ri are wa’ ya’tal chik pa retal pwaqilem rech tojb’al chak rech pa le junab’ 2017 ri’.

Eri cholchak rech ri Servicio Cívico are tajin kamajtaj uchak patan ri’ pa le 15 rech enero chi’ k’u ri’ kajaq wi uwach ri sik’ib’al kech ri e ajchak patanel ri’, eri kicha’ik ri’ are kanajtib’ jo’ob’ ik’ ri’ xuquje’ ruk’ wa’ are chomam chik kekojik e jo’ob’ mil chi alab’om alitomab’ ri’.