Are taqim ub’anik utzalaj taq b’anow winaqil tajin kuwa’lijsax uwach pa taq le juwinaq keb’ chi tinamit pa we amaq’, are ri’xmajtaj uchomaxik pa le Ukaj Chomanem kumal ri K’amol b’e rech taq Tinamit ri’ are ri’ le kab’an pa tinamit Xe’laju’ pa taq le q’ij rech 8 xuquje’ 9 rech ik’ septiembre ri’, chi’ k’ut kek’oji wi ri k’amal b’e rech ri jalajoj taq wokajil rech ri Taqawokaj pa Amaq’ ri’.

Eri b’anow chomanem ri’ are k’amom ub’e rumal ri viceminsitro administrativo rech Gobernación, Mario René Álvarez, xuquje’ kumal ri ajtaqo’n rech ri Ministerio rech Salud, ri rech Comunicacioens, ri rech ri Wokajil Ajchajil Tinamit xuquje’ rumal ri Q’atb’altzij rech ri Ya’talil Winaqil ri’.

Eri Gobernadora rech Xe’laju’, Carolina Ávila Guzmán, eri taqim kachomaxik chi’ are rech kya’ reta’maxik utzijoxik ri cholchak rech k’iyemal xuquje’ rech kachomaxik pa komon b’anow utzilem pa tinamit ri’.

 “Are wa’ k’o nim kupatanij pa le qatinamit ri’ le chomanik kab’an chi rij uk’iyemal ri’ xa’rumal qonojel qeta’m che are wa’ sib’alaj k’ax kachomataj uwach pa aninaqil ri’”, xcha’ ri Guzmán.

Eri Salvador Cordón, k’amal b’e rech Zacapa, xuya’ ub’ixik che ketob’an ruk’ ri b’anow chomanik kumal ri k’amal b’e taq tinamit ri’, “xa’rumal chi kijujunal pa le k’amow b’e pa taq tinamit ri’ k’o ri kakichomaj pa le nim riqb’al ib’ chomanem ri’ pa le keqale’n kik’amom uwach ri’”, xcha’.

 

COMPARTIR