Tajin uchomaxik kaq’ansax pa jun 22.2% uwi’ ri tojb’al chak rech Gobernación

79

Are wa’ uwach ri chomanem xb’an pa komonb’al chi kuwach ri Comisión rech Finanzas rech ri Congreso rech Amaq’il, kuk’ ri q’atb’altzij rech taq ri taqawokajil, wokajil rech b’anow tzukunik, ri nuk’wokaj rech taq winaqilal, ri ajkalte’ib’, ri diputados, rumal ri Contraloría General rech Cuentas, kuk’ nik’aj chik, we kamik ri’ xya’ pa k’utik ri ub’anikil Taqanik rech Tojb’al Chak rech ri Taqawokaj pa Amaq’ rech ri 2017.

Chi ke ri taqawokajil rech ri Uwokajil Ya’olchajinik xuquje’ rech Suk’umalil q’atb’altzij k’o pwaqil xesax chi ke ri’, eri Comisión  rech Finanzas Públicas xuquje’ rech Pwaqilem rech ri Congreso rech pa Amaq’il, xaq’ansax pa jun 26% che ri upwaqil ri’, je ri’ ub’ixik utzijol xuya’ ri Ministro rech Gobernación, Francisco Rivas Lara.

 “Eri 22.2% xaq’ansaxik che ri upwaqil ri Taqawokajnem Ya’olchajinik ri’ sib’alaj k’o nim kupatanij ri’. Xuquje’ je ri’ che ri Instituto rech ri defensa Pública Penal xa’rumal are wa’ chi ke ri taqawokajil ri qas rajawaxik xaq’ansaxik pa jun 77%, junam ri’ kupatanij che ri Instituto Nacional rech Ciencias Forenses are wa’ qas rajawaxik kab’an pa le uwokajil rech ri Ya’olchajinik ruk’ ri pa q’atoj tzij ri’” xcha’ ri Rivas Lara.

 “Are ya’tal chik pa le uwokajil Tojb’al Pwaqil rech pa jun chik junab’ che ri b’anow tijonem, che ri wokajil utzwachil xuquje’ che ri wokajil ya’olchajinik xuquje’ che ri b’anow suk’umalil ri’”, je ri’ ub’ixik xuya’o ri K’amal b’e rech ri Komon Chomanik ri’, eri Diputado Jairo Flores, sib’alaj xuya’ ub’ixik che ri Taqawokajil Ya’olchajinik ri’ ri upwaqil rech tojb’al uchak patan are xaq’ansaxik pa Q 4 mil 473.5 millones pa 2016 a Q 5 mil 465.6  rech che uchi’ ri pwaqil tojb’al chak ri’, chi’ k’u ri’ eri xaq’ansax uwi upwaqil che ri Wokajil Ajchajil Tinamit rech Ya’olchajinik Winaqilal ri’.

Eri Flores xub’ij che ri Ministro Rivas Lara xuquje’ rajchak ri Gobernación xetatb’enik pa taq le b’anow q’atow tzij pa tinamit ri’, pa le Uwokjail ri Ya’olchajinik xuquje’ pa le Q’atow tzij ri’ chi’ k’ut xkiya’o ub’ixik che kakib’an na ri Ya’olchajinik Winaqilal ri’.

 “Eri kuya’ kanoq ub’ixik ri Congreso ruk’ ri ya’b’al pwaqil rech tojb’al chak pa taq taqawokajil xk’utik, are rech kub’sib’al k’u’x ri’, are rech ya’b’al tob’anem xuquje’ are rech ya’b’al tob’anem che ri wokajil ya’olchajinik ruk’ ri q’atow tzij ri’ pa we amaq’ xuquje’ rech kab’antaj ri chakunem q’atow tzij pa we Iximulew ri’, are wa’ ri kitam ri winaq tinamit xuquje’ are wa’ kamik jun q’alajisab’al pa le uk’utik ri Pwaqil rech Tojb’al Chak rech pa jun chik junab’ ri’”, xcha’ ri Flores.

Aretaq xk’is ri molin ib’ chomanik ri’ eri K’amal b’e rech ri Comisión rech Finanzas xujach k’it ri retal Uwokajil Tojb’al Pwaqilem rech Tojb’al chak che ri Secretario rech ri komonb’al rech ri Congreso rech ri Amaq’il, Carlos Barreda, are rech b’a’ kujacho pa kiq’ab’ ri Taqawokajil B’anol Taqanib’al ri’, are rech b’a’ katz’aqix uwach rech kataqik unimaxik uwach ri’.

Swiffy Output
COMPARTIR