K’o choman Ya’olchajinik rech q’atenik k’ax kab’an pa Sacoj Grande

249

Man k’ot pa jun ub’anik utzil rech kita’ik ri winaqil xuquje’ rech uchomaxik ri k’axk’olil chi’, ri pa usuk’al k’ut uchomaxik kab’anik xuquje’ rech pa le uch’ob’ik jas ri katajin kak’ulmataj pa taq le kik’olib’ali ri winaqil ri’, xcha’ ri viceministro rech Q’atel K’ax, Axel Romero pa le molin ib’ xb’an kuk’ ri winaqil rech ri aldea Sacoj Grande, pa juyub’ tinamit rech Mixco.

Pa le molin ib’ xb’an pa le Salón Comunal ri k’amal b’e xkiya’ ub’ixik ri rajawaxik kachomax chi ke pa aninaqil rech b’a’ k’o nik’aj chik eqa’lenelab’ ketaqik rech kakiya’o ya’olchajinik chi ke ri winaq ri’ xuquje’ rech kakub’ kik’u’x ri winaqil chi ke ri’, rech ketob’an b’a’ che kichajixik ri ch’ich’ rech erelwinaq pa tinamit ri’ kuk’ ri microbuses ri kakinimaj ta ub’anikil ri uwach taq nimab’e ri’ xuquje’ rech kakojik k’olib’em rech ke’etz’an wi ri taq ak’alab’ kuk’ ri alab’om alitom ri’, xuquje’ rech keq’atex kuwach rech man ke’ok ta kuk’ nik’aj molaj b’anow k’ax ri’.

Chuwach k’u ri’ xuta ri’ ri Viceministro che ri xub’an che xarchb’ilaxik rumal ri Ukab’ K’amal b’e rech Q’atel k’ax rech ri Wokajil Ajchajil Tinamit ri’, José Antonio Tzuban, jeri’ ri ajtob’anelab’ rech ri Unidad rech Prevención Comunitaria rech ri k’ax, UPCV kuk’ ri ajtaqanelab’ rech ri PNC chi’, xub’ij are k’o nim upatanil we keb’ uwach taq b’anow chomanik pa komonb’alil ri’ pa uchomaxik ri rajawaxik chi ke ri winaq tinamit ri’.

“Kojtajin k’ut che ukojik jun k’ak’ ub’anikil pa komonb’al ri’ rech b’a’ eri ajchajin tinamit ke’opan b’a’ kakisolij ri k’ayib’al taq, rech kakitanata’ b’a’ kipwerta ri winaq e jaqal chi’”, xcha’ ri Romero.

Ruk’ ri opanem chi’ kuk’ ri winaq xuquje’ rech kach’ob’otaj kuwach che e ajchajil tinamit ri’, xuquje’ rech pa junam k’o kakik’ex uwach chi’ xuquje’ rumal ri’ sib’alaj rajawaxik k’ut kakiq’axaj uwach taq le tzijol ri’ rech keta’max jas ri katajin kak’ulmataj chi’ xuquje’ rech k’o jun nim q’atenik k’ax kab’an chi’ ri’.

Pa taq le chomanik kab’anik rech kakojik ri k’olib’em rech ke’etz’an wi ri taq ak’alab’ kuk’ ri alab’om alitom ri’ eri Vice ministro xub’ij rumal ri’ kamolin k’ut kuk’ ri q’atb’altzij rech ri Deporte rech k’o kakichomaj pa le b’anow taq chak patan pa le kik’amik ri pa le patanem ri’ ri alab’om alitom kuk’ taq ak’alab’ ri’.

Sib’alaj uj rajawaxik chi ke ri Komon Winaq ri’

Rumal ri’ eri Comisario Tzub’an xub’ij “Eri ub’anikil uchak rumal ri’ ajchajin tinamit are rech b’a’ aj rajawaxik chi ke ri komon winaq pa taq kik’olib’al ri’ rumal ri’ ri uj kujk’oji kuk’ ri’.

Xub’ij chik “Rajawaxik b’a’ kaqachakuj k’i uwach taq cholchak pa taq le komonb’al ri’ xa’rumal eri kitob’anik are kuya’o nim tob’anik pa le chak patan ri’”.

COMPARTIR