K’utb’alil rech ri “Uchi’ raqan ja ri’ pa junalik are jun b’enam pa le Ojer Nim Rachoch ri Wokajil Ajchajil Tinamit” ri’

697

Eri jun b’anikil ri’ are utaqim ub’anik jun tzijob’alil, chi rij taq ri uya’ik ri Nima Rachoch ri Wokajil Ajchajil Tinamit rech Ojer kanoq, che we kamik kraqataj wi ri Ministerio rech Gobernacióon ri’ xuquje’ che we are ri’ kakaj pa jun k’olib’al k’utb’al uwachib’al ri’, ruk’ kitzijol ya’tal chi rij ri’ kumal ri xeb’anow rech, we kamik ri’ ruk’ ri q’atb’altzij rech ri Ministerio ri’ xuquje’ ruk’ ri ajk’amal b’e rech taq nik’aj chik k’amow b’e xuquje’ ruk’ ri wokajil e ajq’axal tzijolinem rech ri Mingob ri’, rech xkiya’ pa k’utik ri jun loq’ ilob’al k’utb’al ri’ ub’i’ Uchi’ raqan ja ri’ pa Junalik.

Pa ilb’anik k’utb’al ri’ xetatb’enik taq alab’om, taq alitom xuquje’ alab’om alitom rech ri Orquesta Sinfónica Juvenil rech Tinamit rech Villa Nueva, ri xkiya’o pa k’utik ri loq’ q’ojomanik kumal ri’.

Aretaq qas xilotaj ri k’utb’alil ri’ xuquje’ xtotajik ri q’ojomanem kumal ri e ajb’ix rech ri orquesta Sinfónica, eri Viceministro rech Seguridad, Ricardo Guzmán, pa kib’i’ konojel ri q’atb’altzij le xek’oji che rilik chi’, sib’alaj xuki’kotirsaj xuquje’ xumaltyoxij uwach ri chak patan xb’an chi rij wari’, kumal ri xek’oji pa le loq’ ilb’anik rech ri Comunicación Social ri’, xuquje’ chi ke ri ajchak rech ri Ministerio ri xkichakuj uwach ri’, kojpa’ le ak’alab’ kuk’ ri alab’om alitom rech ri Orquesta Sinfónica Juvenil ri’.

Eri Estuardo Valdez, Nuk’unel wokanel rech ri jun loq’ ilb’al k’utb’al ri’ ub’i’ Uchi’ raqan ja pa Junalik, ri are kub’ij e chi kijujunal ri e rachib’il xkichomaj chi kujujunal rech xkiya’ kitzij rech xe’ok pa le ub’anik ri jun cholchak xb’antaj ri’, juntir k’ut xek’am pa kiq’ab’il ri’ rumal konojel kechakun pa le Mingob ri’ rech qas xkiya’o uje’lalil rachib’alil we Nim Rachoch Taqawokajil ri’.

 “Are wa’ xchomaxik rech kakanaj kanoq pa jun k’olib’al esab’al wachib’alil ri’ ri are wa’ utzalaj ub’anik xb’an ri’, rech chi ke ri’j winaq kojpa’ chi ke ri ak’alab’ ri’ xuquje’ xchomaxik rech k’o jujun taq retz’ab’axik xkoj chupam ri’ pa le uya’ik ub’ixik ri utzijolil xb’an kanoq ojer pa le Nima Rachoch ri Taqawokajil ri’”.

Jas ri ub’anik ri’

Eri Hilda Mérida, K’amal b’e rech ri Comunicación Social xuya’ ub’ixik ucholajil ub’anikil we jun cholchak ri’ are xnatib’ oxib’ ub’anik, k’a xmajtaj ri’ uno’jixik, xtz’ib’axik xuquje’ ujachik pa uwach taq ri’, xuquje’ pa le kitzukuxik ri winaqixel xe’oksax chupam ri’, ri ucha’ik ri katz’iyaqb’alil, k’o  retab’axik xb’an ri’, k’o ri chakub’alil rech sik’in uwach ri’, rech uchomaxik uwach, rech xekojik ri xb’an wi jujun taq rachib’alil, rech usuk’umaxik kiwi’ ri winaqixel, ri uqul xkoj ri’, ri tzijb’al rech, ri b’anib’al rech, ri ubanikil kojb’al esab’al wachib’al ri’, ri ub’anikil ri history board, ri ukojik ub’ixb’al ri’, ri ukojik ub’i’, ri resaxik pa nima peraj wujil ri’ xuquje’ ri uya’ik pa k’utik ri pa nim ilob’al ri’.

 “Aretaq xya’taj pa saqil rech kab’an resaxik ub’anikil kumal taq ri winaqixel, eri q’atb’altzij rech ri Ministerio ri’ xutaq ri jujun taq wujilal rech xek’oji che ub’anik ri upatanixik chaq’ab’ ri are wa’ xta’ik chi ke ri ajchajinelab’ pa le Mingob ri’ xuquje’ che ri Musero rech Historia, rech chi’ k’ut xkimajo ruk’ nim tijob’al chuq’ab’ pa le ub’anik ri jun utz’ib’axik we ilob’alil ri’ ok’owinaq chik panik’aj aq’ab’ ri’.

Maltyox b’a’ chi ke ri’

Le nan Mérida xumaltyoxij che ri q’atb’altzij, rech xkaj xb’an wa’ pa le rachoch ri Ministerio rech Gobernación xuquje’ pa le Museo Nacional rech Historia (pa le Sala Jorge Ubico) xuquje’ che ri Director rech ri Orquesta Sinfónica Juvenil rech Villa Nueva, xuquje’ jun rachb’il ri Mingob, eri ajb’ix Jorge Blanco.

 

COMPARTIR