Eri viceministro rech q’atel k’ax mak, rech ri Ministerio rech Gobernación, Axel Romero, xuya’ reta’maxik che pa le Taqawokaj kech Alab’om Alitom, eri kichakum chik uwach pa le Chomab’al Tinamit rech Alab’om Alitom, pa le chak patan ri’ e k’o alab’om alitom kikojom pa le cholchak rech ri Servicio Cívico, are k’amom ub’eyal rumal Vicepresidente Jafeth Cabrera ruk’ ri Comisionado rech ri Juventud Edgar Chin, are molinik xb’an pa le Palacio Nacional rech pa Nimatinamit ri’.

Eri Romero, xuya’ ub’ixik che ri ub’ixkil rech ri cholchak patan chakum chik kumal ri alab’om alitom jachom  ri’ pa le Wokajil rech Q’atel K’ax pa taq Tinamit ri’, kojpa’ ri’: ri Escuelas Seguras, ri Servicio Cívico, ri komonb’al chomanem kumal ri alab’om alitom ri’ xuquje’ ri kitotab’enik ri alab’om alitom pa komonb’alil pa le q’atel k’ax ri’.

Xuquje’ xk’ub’isaj ya’ol ub’ixik che e k’o e 4 mil 800 chi alab’om alitom pa le cholchak rech ri Servicio Cívico man junam ta ri’ kojpa’ junab’ir kan. Chi rij ri Escuelas Seguras, xub’ij che sib’alaj katajin katijob’exik e 25 mil chi alab’om alitom ri’.

Xuquje’ e k’o alab’om alitom ketajin pa komon chomanik chi rij q’atel k’ax ri’, xuquje’ e are jun e kojom pa le chomanikri’ ri e Ajkalte’ib’ kuk’ ri Cocodes ri’.

“Eri ch’ob’otal chak ri’ are rech kuya’o b’anow utzilem chi ke ri alab’om alitom pa taq katinamit ri’, rumal k’ut tajin kuya’ chomanem k’exnik chi ke ri’ xuquje’ tajin kub’an ya’olchajinem q’atel b’anow k’ax ri’ pa taq kachoch ri’”, xcha’ ri Romero.

Rumal ri’ eri Vicepresidente Jafeth Cabrera, xub’ij che ri Taqawokaj kech ri Alab’om Alitom, are ri k’isb’al rech ri 2016 ri’, xa’rumal keb’ uwach kab’anik xuquje’ are ri’ xya’ ub’ixik che k’o kajib’ uwach kab’an pa we junab’ ri’.

Eri Cabrera xuya’ ub’ixik che ri cholb’al chak ri’ k’o utz uwach chomanik xuya’o, xa’rumal k’ut k’o uwachinik chak xilotajik pa le Wokajil rech Ya’olchajinik pa Tinamit ri’, k’o jun k’utb’al rech Tzijob’en ib’ rech ri Cholchak ub’i’ Plan Luz uya’m pa le Ministerio rech Cultura xuquje’ k’o xtijox uwach chi rij ri Chomab’al Tinamit kech taq Alab’om Alitom ri’.

COMPARTIR