Q. 109 millones  rajil ri’ le xesaxik pa nab’e q’ij pa le resaxik ri kunb’alil maj pa usaqil ri’

111

Aretaq xtaq ukojik ri Korlim Ya’lchajinik pa taq le tinamit rech Ixchiguán xuquje’ Tajumulco, pa le juyub’alil rech San Marcos, pa we q’ij ri’ xmajtaj ri ukab’ uwach pa le resaxik ri amapola pa we junab’ ri’.

E k’o 500 eqa’lenelab’ rech jalajoj taq uwokajil xuquje’ comisarías rech ri Wokajil Ajchajil Tinamit (PNC), xkimaj resaxik ri raqan ichakkotz’i’j rech amapola ri kesaxik ri uk’u’x q’ab’arsib’al che ri are kakoj che ub’anik ri heroína ri’.

Eri ya’olchajinik are xmajtaj loq pa taq le Toninchún xuquje’ pa Santa Isabel e uq’ab’ ri tinamit rech Tajumulco, chi’ k’u ri’  e  raqom chi k’i taq tiko’n pa k’i peraq taq juyub’ ri’.

Pa ronojel ri’ xchupisax wiri’ uwach pa 157 pa taq peraj taq juyub’ ri uwach pa ronojel are ri’ 109 mil 673 Mts.2 junam ruk’ 10.96 uwach kapajinik ruk’ 4 millones 394 mil 828 raqan ichaj rech amapola che ri k’o 24 millones 118 mil 015 uxe’al ri’.

Eri rajil pa ronojel che ri xraqataj pa le nab’e q’ij resaxik ri awan ichaj kunb’alil ri’ are xopan pa Q.109 millones 870 mil 700.00 chi pwaqil ri’.

Rumal ri ch’ojinik che b’anom chik pa le juyub’ tinamit ri’ xuquje’ rumal xmajtaj ri ya’olchajinik chi’ rech resaxik ri awan ichaj kunb’alil ri’ e k’o e ajchajil tinamit rech ri PNC xuquje’ rech ri e Ajchajil Amaq’ xetaq ri’, pa taq jalajoj taq nimab’e pa taq ri juyub’ tinamit ri’ rech xakichajij ri winaq tinamit ri’.

Eri ya’olchajinik chi’ are katerenb’exik uya’tajik chi’ rech ukojik ri Korlim Ya’olchajinik pa taq le keb’ uq’ab’ tinamit ri’.

 

COMPARTIR