Eri Uro’ Viceministerio xujach kijastaq ak’alab’ pa taq tijob’al pa Ixchiguan

241

Eri taq ak’alab’ rech taq tijob’al e k’o pa Pavitzalan, Los Positos xuquje’ eri kijaqib’al ri winaq e k’o panoq chi rij ri tinamit rech Ixchiguán ri’ pa le keb’ q’ij chik katajin ujachik kiwujil ri ak’alab’ chi’ rumal ri Uro’ Viceministerio, rumal ri Wokajil Ajchajil Amaq’ Iximulew ri’, rumal ri embajada rech ri Estados Unidos xuquje’ rumal ri Iglesia rech Jesucristo rech ri e Tyox winaq rech k’isb’al taq q’ij ri’.

Eri k’amal b’e rech ri tijob’al k’o pa Los Positos, eri tob’anik chi’ are kub’ij ri’ che are jun tob’anik tajin uya’ik chi’ pa le katijoxik ri taq ak’alab’ xa’rumal e k’i chi ke man k’ot tane jub’ik kiwujil kijastaq rech katz’ib’an wi’ man k’o ri’ kuk’ rumal ri’ maj b’anow tijonem kumal ri’.

“Are wa’ katob’anik ri’ pa taq le kachoch ri winaqilal ri’, xa’rumal k’ut e chi’ pa taq ri kijaqib’al ri winaq ri’ sib’alaj k’o nim meb’a’il ri’ xuquje’ man k’ot pwaq ri’ xaq tane rech kaloq’ik we wujil ruk’ ri tz’ab’ab’al ri’”, xcha’ ri K’amal b’e rech ri tijob’al chi’.

Le jun ilob’al ruk’ jun tzi’tzotem man k’ot rajil ri’

Eri ixoq eqa’lenelab’ ajchajin tinamit ri’, Claudia Marisol, are jun pa le jachow jastaq pa tijob’al chi’ xuquje’ xuna’ pa ranima’ xerilo che ri taq ak’alab’ sib’alaj xeki’kotik aretaq xkilo ri jastaq xopan ujachik chi’ man k’ot rajil ri’.

“Eri taq ak’alab’ e ajpajuyub’ rech San Marcos ri man k’ot kijastaq kakikoj ri’ xuquje’ man k’ot kakik’amo wi ri wujil rech kakikojo rech kakitz’ib’aj kakikunaj upam uwach ri’”, xcha’ ri ixoq eqa’lenel ri’.

Kinmaltyoxij che ri Mingob

Eri tat ub’i’ Gabriel Ramos xumaltyoxij che ri Ministerio rech Gobernación xuquje’ chi ke konojel ri wokajil rumal ri jun jachb’al jastaq ri’ le nim upatan ri’ xuquje’ xuta’o che man ta ri’ pa nab’e mul jun k’isb’al mul, kya’ jun tob’anik chi ke konojel ri ak’alab’ ri’ pa k’olib’em ri’.

Xech’a’w ri taq ak’alab’ ri’

Rumal ri’ eri Jonathan Vicente Ramos rech quinto grado xub’ij k’ut che sib’alaj ki’kotem kuna’o ri are rumal kerilo ri kitat kinan ri taq ak’alab’ man kiwujil kiloq’om chi ke ri taq kalk’uwal ri’ rumal ri’ eri wujilal ri’ are rech kakikoj pa le reta’maxik reta’mab’alil kajulew ruk’ reta’mab’alil kaxlantzij ri’.

E rachib’il k’ut a Rony Denir, xub’ij che ri wujil ri’ xuk’am ri’ are wa jun nim tob’anik che xa’rumal pa le utijob’al rib’ are ukojom uxaq taq wuj uqax ri xukojo pa junab’ir kanoq.

Pa k’isb’al rech eri Sub Comisario rechri SGAIA, pa keb’ oxib’ utzij xuya’o chi’ are xuta chi ke ri taq ak’alab’ chi’ rech chakiya’o b’a’ rutzil kuwach ri e ajchajil tinamit ri’ xuquje’ ri xatat keraqataj chi’ xa’rumal keraqataj chi’ rech keta’ kumal, rech kechajixik xuquje’ rech ketob’an kuk’ pa le tijonem chi ke rumal are ri’ ri qas kuya’ kino’jib’alil ri winaq pa taq le kik’aslemalil ri’.

 

COMPARTIR