Ri “Rambo” are jun tz’i’ eqa’lenel chajinem tzukunik k’i awan kunab’al uraqom chik

106

Wuqub’ ujunab’ k’o kamik nim upatan chik uya’om pa le Subdireccón General rech Analisis ruk’ Información Antinarcótico (SGAIA) rech ri Viceministerio Antinarcótico, eri “Rambo” ri’, are jun tz’i’ eqa’lenel chajinem tzukunik are ri’ ub’antajik pastor alemán, k’o nim upatan uya’om pa le K-9, rumal k’o k’iyalaj awan kunab’al uraqom chik ruk’ pwaq maj pa usaqil ri’ are juntir uraqom pa le chajinem tzukunik ub’anom pa le wokajil ajchajil tinamit ri’ pa taq k’isb’al junab’ ri’.

Eri “Rambo” ri’ are q’eq rij kaka’yik, ri are alaxinaq pa le kab’lajuj q’ij rech rik’ mayo rech 2,008, xa’ sipam loq rumal ri Embajada rech ri Estados Unidos rech América chi’ pa Iximulew, pa le 2,009 tijob’em chik ri’ pa le Escuela Centroamericana rech Entrenamiento Canino rech Iximulew ri’, chi la’ k’ut pa Santa Rosa.

Eri qas uchak upatan ub’anom ri jun a “Rambo” ri’, pa le PNC eri eqa’lenelab’ are kikojom rech kiraqom chik 380 pajb’alil cocaína, ruk’ jun millón 71 520 dólares ruk’ eqab’al ub’aq’ raqarik k’aqb’alil ri’.

Eri utijoxik b’anom

Eri utijoxik xb’anik pa le Escuela Canina are xnajtib’ oxib’ ik’ ri’ k’a pa waqib’ ik’ ri’, are xtijoxik rech xreta’maj kusiqo awan kunab’al ri’, ruk’ taq k’aqb’al, ruk’ pwaq, xuquje’ rech kakowinik kuraqo ch’a’wb’alil ri’ xuquje’ reta’m ketz’an kuk’ taq ri ak’alab’ ri’, xuquje’ kakowinik k’o nik’aj chik kupatanij ri’.

Eri escuela Centroamericana rech ketijoxik tz’i’ab’ ri’ are xumaj loq katijoxik ri tz’i’ ri’ pa taq le 23 q’ij rech ik’ junio rech 1998, are rech xuya’ chi ke ri ajchajil tinamit, utzalaj taq chokonsab’al rech chak patan ri’, xuquje’ e k’o k’i eqa’lenel chajin tinamit ri’ uya’om tijonem chi ke ri’ ri rech Centroamérica xuquje’ rech Latinoamérica, e k’o rech ketijonik rech kaktijoj ri tz’i’ab’ ri’ rech eqa’lenem chajinem tzukunik ri’.

Nota: Genesis Agustín.

Swiffy Output
COMPARTIR