Xna’tix ri eqa’lenemtzij kanimax uwach pa le Jaqem Taqawokaj pa Amaq’

390

Eri taqim uchomaxik uwach ri’ are kanimax kakojik ri chomam chik kachakuxik rumal ri Ministerio ruk’ ri Gobierno Abierto ri xa’rumal ri’ k’o jun nim riqb’al ib’ rech choman chakunem ruk’ ri Secretaría Nacional rech Ciencia xuquje’  Tecnología (SENACYT), ri k’amom ub’e rumal ri Oscar Cobar xuquje’ rumal ri Delegada Presidencial rech ri Gobierno Abierto, Zaira Mejía, xcha’ ri viceministro rech Tecnologías, Walter Girón.

 “Xaqamol b’a’ qib’ rech una’tixik ri eqa’lenemtzij ri rajawaxik kanim uwach rumal ri’ Mingob’ pa le chomatal chik pa le Jaqem Taqawokaj ri’ ri uchapom rib’ uwach ruk’ ri Chomab’al Tinamit rech Jaqem uwach Tzijol ri’, ri kaya’ pa tzijoxik ri’ xuquje’ man xaq rech ti ya’b’al tzijol pa tinamit xane’ are ri kaya’ pa utzijoxik le tzijol ri kikaj ri wokajil ri winaqilal che ri kakita’o che are rajawaxik kaya’ pa utzijoxik ri’, ri tzijol k’o pa le Tijob’al Chajin Tinamit xuquje’ ri tzijol k’o pa taq nik’aj chik wokajil rech keta’max ub’antajil ri’”, xcha’ ri Viceministro.

Xub’ij chik “Eri chak kaqak’amom uq’ab’il uwach are ri’ rech kaqawok pa ucholajil ri ilb’anik ri kajach pa le Salón Banderas, rech ri Palacio Nacional pa q’ij kunes pa taq ri 9 kajb’al rech saqarib’al ri’”.

Xuquje’, xub’ij, che are wa’ uwach kakojik rech k’o jun utzalaj b’anow pa le Jaqem Taqawokajn pa Amaq’, rumal ri’ eri Viceministro rech Tecnologías, kukoj na pa le uwachwuj rech Ya’b’al Tzijol pa Tinamit ri juch’unem pa ukemamtz ri kuya’ kub’isb’al k’u’x che ukojik ri tzijolil kaq’axax reta’maxik ri’ le tzijol rech ri Ministerio rech Gobernación ri’.

Eri Viceministerio are ub’eyal uk’aslemal ri wa’lijsab’al Jaqem Taqawokaj ri’

Eri Óscar Cobar, Secretario rech ri SENACYT xutzijol che juntir wa’le tob’anik ri’ rumal ri Viceministerios rech Tecnologpias, rech ri Ministerio rech Gobernación, are wa’ ub’eyal kuya’ uk’aslemal ri wa’lijsab’al ri Jaqem Taqawokaj pa Amaq’ ri’.

Chuwe in kcha’ “Eri jun ta’b’al rech ri Gobierno Abierto ri’, k’o ri’ jun upatanil pa we amaq’ tinamit ri kok’ow b’ik pa taq k’ulb’a’t juyub’ amaq’ ri’, xa’rumal are elinaq loq pa komonb’al chomanik kumal ri tinamit rech pa uwachulew ri’”.

Oxib’ uwach ub’eyalil ri’

Eri Zaira Mejía, kub’ij are wa’ riqb’al ib’ ruk’ ri Jaqem Taqawokaj rech Iximulew ri’, xub’ij ri’ che ri wachtzijonem chomanik ri’ man xaq ta ri’ k’o upatan pa we amaq’, xane’ are k’o nim upatanil pa taq ri tinamit e k’o pa uwachulew xa’rumal are uk’amom rib’ pa oxib’ uwach ub’eyalil ri’ kojpa’ b’a’ ri usaqilal, ri kitatb’enik winaqil xuquje’ ri ya’b’al tob’anik ri’.

Pa le ub’antajil ri’ k’o keb’ uwach cholchak chi rij ri xb’antaj nab’e ri’ chi ke k’u ri’ are man e k’ojinaq taj ri winaqilal kuk’ nik’aj chik komonb’alil chi’, emu wa’ kamik ri’ are kaqilo chik che k’o jun Jaqem Taqawokajil ri uya’om kichuq’ab’ e 58 chi wokajil ri’ are 11 chi ke rech ri komon winaqilal ri’.

Eri Mejía, xub’ij che are wa’ jun utz uq’axnik ukojik ri jun uwachinem pa le cholchak kojom pa le Jaqem Taqawokaj ruk’ 22 uwach reqale’nemtzij uk’amom uq’ab’il ri’ xuquje’ ruk’ jo’ob’ uwach uk’u’x chak patan ri’ rech chi rij ri K’ak’alaj No’jb’anem chakub’al, chi rij ri Jachib’al uwach ri B’anow Ajilanem, chi rij Ilob’al ya’b’al tzijol ri’, Kitatb’enik Winaqilal ri’ xuquje’ chi rij ri Saqilem B’anow Tojb’al ri’.

 “We chanim k’o chik jun cholchak pa qaq’ab’ uj, k’o jun ub’eyal chakunem, are ri’ kaqachakuj pa le 20 uwach ik’ petinaq ri’ xuquje’ are ri’ ri kaqanimaj upatanixik le cholchak ri’, te k’u ri’ chik kaqachomaj k’ut uwokik uwach jun chik nim ri’ rech kakojik pa le keb’ junab’ chik petinaq xuquje’ are rech kaqakoj chik jun utzalaj b’anow pa taq le junab’ petinaq ri’ xuquje’ jasche kaqechik’ ta ri’ rech are kakojik pa taq le taqanik petinaq chuwe’q kab’ij pa we amaq’ ri’”, xcha’ri Ajtaqo’n Chomanem rech ri K’amal b’e pa Amaq’.

COMPARTIR