Xumaj uchak pa jumul chik ri CONAPREVI

202

Eri Amaq’ Iximulew pa jumul chik xumaj utoq’ixik kutij uchuq’ab’ pa le q’atenik b’anow k’ax chi ke ri ixoqib’ ri’, pa le umajik pa jumul chik uchak upatan ri Coordinadora Nacional rech ri Q’atel B’anow K’ax pa taq kachochib’al ri winaq xuqje’ rech chi ke taq ixoqib’ ri’ CONAPREVI, are molin ib’ rech uchomaxik wa’ xb’an pa le Nimaja Rachoch Amaq’ ri’, are wari’ xk’am ub’e rumal ri Viceministro rech Q’atel K’ax Axel Romero, rumal ri ukab’ k’amal b’e amaq’il ri’ Jafeth Cabrea xuquje’ rumal ri Taqawokajil Tz’ib’anelab’ kech ixoqib’ ri’, Ana Leticia Theissen.

Aretaq ok’owinaq chik oxib’ junab’ kiya’m kanoq ri chak patan ri’ we kamik ri’ xkimaj chi b’ik utoq’ixik uwa’lijsaxik uwach taq chomab’al tinamit ri’ rech q’atel k’ax, rech yab’al ilonem, rech kaq’atexik ri b’anow k’ax pa taq achichob’al xuquje’ rech kaq’atexik ri b’anow k’ax chi ke ixoqib’ ri’ rumal ri CONAPREVI.

Eri Viceministro rech Q’atel K’ax Axel Romero, xub’ij che ri umajik pa jumul chik ri chak patan ri’, are rech b’a’ utanab’ixik ri xel kanoq uwach xuquje’ rech te k’u ri’ kamajtaj pa jumul chik ri chak patan ri taqawokaj pa amaq’ ri’ kuk’ ri wokajil ajpatanelab’ ri e k’o pa kituke’lil ri’.

 “Qastzij b’a’ karaj kachakux uwach rumal ri’ Gobernación ri’, rumal k’ut eri b’anow k’ax chi ke ri ixoqib’ ri’ man xaq ta are jun b’anow chak kumal le patanelab’ winaqixel ri’, xane’ are ri’ rajawaxik kachomaxik rech uya’ikik utzilem chi ke taq ri ixoqib’ ri’”, xcha’ ri Romero.

Xuquje’ xub’ij che ri Instituto rech Víctima tajin xureye’j rech umajik pa jumul chik uchak upatan ri Conaprevi junam ruk’ ri Caimus rech ke’uto’o pa jumul chik ri ixoqib’ kiraqom k’ax pa taq kik’aslemal ri’.

Eri Vicepresidente rech Amaq’ Iximulew, Jafeth Cabrera, xub’ij ri’ che k’o k’iyalaj taq chakunik utz kak’am uq’ab’il rech uq’atexik ri b’anow k’ax chi ke taq ri ixoqib’ ri’ xuquje’ are ri’ jun chi ke ri uchak patan ri Conaprevi.

“Xuquje’ are rech kab’antaj wari’ rajawaxik b’a’ ketijoxik ri winaqil rech kak’ex ri kakichomaj ri’, we jeri’ kab’anik kachup ri b’anow k’ax ri’”.

Eri Ana Leticia Thessen, secretaria Presidencial kech Ixoqib’ ri’ xub’ij che ri Conaprevi ya’tal ri’ jun ropanb’alil uchak patan pa q’atb’altzij ri’, are ri’ rajawaxik kanimaxik xuquje’ pa le uchak patan kub’an ri’ rech k’o b’a’ ri kakowinik kuchakuj chi rij ri uq’atexik ri b’anow k’ax ri’, are rech b’a’ kuk’am rib’ ri utz taq b’anikil pa le uq’atexik k’ax ri’, xuquje’ pa taq nik’aj chik ri’.

Rumal ri’ eri ONU rech Ixoqib’ ri’ e are ri’ ri sib’alaj xkimaltyoxij chi ke ri q’atb’altzij rumal xekojik ri komon patanelab’ rech umajik pa jumul chik uchak patan ri CONAPREVI.

Swiffy Output
COMPARTIR