Kumaj pa jumul chik uchak ri CONAPREVI aretaq xopan pa oxib’ junab’ utanab’em uchak ri’

145

Rech b’a’ kumajo pa jumul chik uchak upatan ri Coordinadora Nacional rech Q’atel B’anow K’ax Yoq’onik pa taq achochib’alil xuquje’ ruk’ q’atenik B’anow K’ax chi ke Ixoqib’ ri’ (CONAPREVI), rumal ri’ kakimol kib’ ri wokajil ajchak patan rech kakiya’ loq ub’ixik ucholajil ri ch’uti’n utzijol ub’anikil ri’ xuquje’ rech kab’an jun ch’ob’ow chomanik chi rij le Acuerdo Gubernativo  463-2013 chi rij ub’antajil ri wokajil chak patan ri’.

Eri molin ib’ chomanem ri’ are k’amom ub’e rumal ri Axel Romero xuquje’ rumal ri ajpatan Tz’ib’anel rech ri Taqawokaj rech Ixoqib’ ri’ (SEPREM), Ana Leticia Aguilar Theissen xekowin k’ut xkimol kib’ pa taq wokaj chomanik kuk’ ri kik’amal b’e ri komon winaqil, xuquje’ kuk’ kitatb’enik ri uwokajil uq’ab’ Taqawokaj pa Amaq’ ri’, rech uch’ob’ik uchomaxik ri ub’ixik kab’anik pa ub’eyal uchak upatan ri CONAPREVI ri’.

Eri Romero xuya’ ub’ixik che utaqib’al ri molinem ri’ are rech kesik’ixik konojel kuwach taq ri wokajil winaqil e ajpatan chomanelab’ rech ri CONAPREVI ri’ are rech qas kawok uwach ub’eyal ri loq’ komon chomanel ri’.

 “Eri uwachtzijonem chomanik ri’ rumal k’ut oxib’ junab’ chik ok’owinaq man k’ot chik chak patan ub’anom ri wokaj chomanelab’ ri’. Rumal k’u ri’ are wa’ rajawaxik pa aninaqil kachomaxik kawokik ri chomanem chi rij le rajawaxik taq chi ke ri komon winaqilal ri’ are rech b’a’ kechakunik pa komon rech uq’atexik ri b’anow k’ax chi ke taq ri ixoqib’ ri’” xcha’.

Pa uk’isb’alil eri molin ib’ chomanik ri’ are xb’antaj rech pa keb’ uwach wuqq’ij kumaj pa jumul chik uchak patan ri CONAPREVI ri’, xa’rumal are ri’ xchomataj kumal konojel ri wokajil ri kiwokom uwach ri’.

Swiffy Output
COMPARTIR