Ruk’ uq’ojomisaxik taq k’olaj, su’, linlitq’ojom ruk’ taq sanisab’al ri’ eri K’amol Ub’e Uk’u’x Nimatinamit rech Iximulew, Iván Díaz López unab’ejsim rib’ chuwach ri cholb’inem ri xel loq pa Gobernación Departamental rech xujacho ri Ulakam Amaq’, chuwach ri Nimarachoch ri Ministerio rech Gobernación.

Xuquje’ xk’oji chi’ ri viceministro Administrativo, Mario Álvarez Galán pa uk’exel ri Ministro rech Gobernación rech xel b’ik xuk’am loq ri Lakam Amaq’ rech kub’an utzil chech ri’ xuquje’ are wari’ retalil umajik ri unimaq’ij tzoqopib’alil amaq’ tinamit ri’.

 “Sib’alaj nim kaqilo b’a’ ri qaloq’onik che we amaq’il tinamit ri’ ruk’ taq uka’yib’alil qatz’iyaqb’al xuquje’ ruk’ taq kib’anow kina’tib’alil qamam qati’t ri’, eri qatinamit ri’ uchapom rib’ ruk’ taq qak’aslemalil ri’, rumal ri’chaqaya’ b’a’ qanimab’al chech, qaya’ b’a’ usaqil qatzij chech, qaya’o b’a’ qajikomal qasaqil chech, rech b’a’ amaq’el ruk’ qano’jk’aslemal ruk’ ri loq’ qakojob’al ruk’ ki’kotemal k’o qechab’alil xuquje’ qanimab’al che rajawaxik kaqak’utu ri uj ajpatanelab’ uj k’amol kib’e ri tinamit ri”, xcha’ ri Viceministro.

Jalajoj uwach ri loq’ ilb’anik xb’antaj k’ut

Eri Gobernador, are jun k’o che ajpatan ajchomanelab’ pa le Comité Permanente rech Nimaq’ij, xub’ij chi kech ri q’atb’altzij, ri ajtijoxel xuquje’ chi ke ri e ajka’yel che pa le cholb’al chak ri’ k’o ri utzijow q’aq’ rech k’ak’am ri’, k’o q’ojomisanik kab’an pa tinamit ri’, k’o cholb’inem, k’o Nim Ilb’anik ub’i’ Te Deum, k’o Nim Loq’xojoj kab’an ri’, xuquje’ k’o Nim B’ixonem kab’an pa Iximulew ri’.

K’o jub’ik tzijol na’tib’al xuya’ ub’ixik

We ilb’anik nimaq’ij ri’ are xmajtaj loq pa le junab’ 1821 xuquje’ pa taq le q’ij ri’ xub’ixoxik ri ub’ix amaq’ tinamit ri’, pa taq le nimaq’ij kok’owisaxik xusik’ix uwach taq na’tib’al tzijol ri’, chi’ k’ut amaq’el xya’ ub’ixik utzijoxik ri’ pa taq uwach k’ayib’al, pa taq uxo’l ja, pa taq uxula’nib’al kumal taq ri nab’e taq winaq ri’.

COMPARTIR