K’o jun wokajil chomanik chi rij nuk’wokaj Ya’ochajinem tob’anik chi ke ak’alab’ kuk’ ri alab’om alitom ri’

375

Rumal b’a’ k’o nim q’oxomal tajin kuya’ ri maj jikomal k’o chi kuxo’l taq ri winaq e achalalil rumal ri’ k’o ch’ojinik kakib’an chi kuwach kuk’ ri ak’alab’ xuquje’ alab’om alitom e aj iximulew ri’, rumal ri’ eri ajno’jchakunelab’ xemolin pa le Nimatijob’al Rafael Landívar pa le facultad rech Humanidades k’o jun nim chomanik xkib’an chi rij ri’ ub’i’ “Eri Nuk’wokajil rech tob’anik chi ke ak’alab’ xuquje’ alab’om altom ri’”.

Pa le molinem ri’ xtatb’en wi ri Viceministro rech Q’atel B’anow K’ax, Axel Romero, xuquje’ ri Harold Flores, ajtoq’anel kech Ak’alab’ xuquje’ Alab’om Alitom ri’, PGN, ri decano rech ri Facultad rech Humanidades, Héctor Estrella López, Carolina Sarti Asociación ALA, Myrella Saadeh K’amal b’e rech ri PAMI jeri’ ri Otto Rivera rech CIPRODENI ri’.

Ri e are xkiya’o utzijoxik chi ke ri e ajtijoxel rech ri facultad rech kaketa’maj ri ub’antajil we tzijolil chi ke ri ak’alab’ xuquje’ are wa’ ri utz katzijob’exik chi ke ri’.

Rumal ri’ eri Romero, xuya’ ub’ixik ucholajil che ri cholupam b’anow tijonem ri’ rajawaxik kutzijob’ej qas ub’antajil chi ke ri ak’alab’ ri’, “we kaqata’ taj rij le nab’e taq jo’ob’ junab’ rech ri kik’aslemal ri taq ak’alab’ ri’ kujkowin ta ri’ kaqak’ex kib’antajil ri’”.

Jeri’ ri taqawokajnel ri’ xuya’ ub’ixik che ri qas k’o nim kupatanij ri’ are kuwa’jlijsaxik uwach ri Taqanik rech Tob’anik pa juntir ri’, rajawaxik k’ut kak’exik uwach taq ri chomab’al xuquje’ ukojik k’ak’ taq nuk’wokaj ub’antajil ri’.

Eri decano rech ri Facultad rech Humanidades Héctor Estrella López, xutzijol che katajin utob’ik uwach ri tijob’en ib’ chi ke ri ajtijoxela’ ri’ rech kakub’isaxik uwach kichajixik ri taq ak’alab’ kuk’ ri alab’om alitom ri’.

Eri e ajno’jchakunel chi ke ak’alab’ xuquje’ chi ke alab’om alitom ri’ xuk’ul rib’ xkichomaj che are rajawaxik ri utzilem chi ke taq ri ak’alab’ ri’ che ri kub’sib’al k’u’x ya’b’al utzilem chi ke kumal ri e utzalaj taq winaqilal ri’.

COMPARTIR