kab’an jun nimriqb’al rech Kesuk’umaxik ri e ajpache’ rech ketzalij chik pa kachoch xuquje’ rech uq’atexik b’anow k’ax ri’

89

Pa Cobán, Alta Verapaz, xjaq wi ri molin ib’ chomanik, chi rij kakojik ri chomab’al tinamit pa we amaq’ nimatinamit rech Iximulew ri’ xuquje’ ri jun acuerdo Ministerio 64-2016, che ri qas unimal kuchomaj are ri q’atel b’anow k’ax xuquje’ rech kesuk’umaxik ri winaqilal rech ketzalij chik pa kachoch ri’.

Pa le k’uttijonem ri’ xetatb’en wi ri e ajtzijolinelab’ ri’ le Viceministro rech Q’atel B’anow K’ax, Axel Romero, ri secretario rech ri Política Criminal rech ri Ministerio Público (MP) Rotman Perez, jeri’ ri Andrea Barrios rech ri Colectivo Artesana xuquje’ ri Ana Grace Cabrera Onu-Ixoqib’ Guatemala.

Chi’ k’u ri’ xya’taj wi ub’ixik ri k’axk’olil xkik’ulmataj ri alab’om alitom ri’ xuquje’ ri kachalal xuquje’ jas le ub’anikil uchakuxik kab’an ri cholchak rech kesuk’umaxik rech te k’u ri’ ketzalij chik pa kachoch ri’.

Eri Romero xuya’ ub’ixik che ri kupatanij ri tatb’enik pa le k’uttijonem ri’, are rech katerenb’exik ri k’ax tajin kakik’ulmaj ri alab’om alitom ri’ che ri e k’o ruk’ kitat nan pa japache’ ri’.

“Are rech kab’an jun umolik ri ch’ob’otal chak che ri k’o pa kiq’ab’ taq ri wokajil ri’ jacha’ ri chomab’alil xuquje’ rech kilik k’o kuk’am wi rib’ ri’ xuquje’ rech katiqik pa jun jamalil pa taq tinamit ri’ rech kakoj pa jun b’anow chomanik chi rij ri’, rech pa le rilik ri chakunem kab’an pa taq le juyub’ tinamit ri’”, xcha’ ri Romero ri’.

Are ri xuya’ ub’ixik ri Ub’eyal Cholchak pa Tinamit rech Q’atel k’ax ri’ (ENP), chi’ k’u ri’ eri unimal chomanik ri’ che ri k’o pa wokom uwach ri’ pa le komonb’al taqawokajil ri’.

Rumal ri’ eri Barrios rech ri Colectivo Artesana, xuya’ ub’ixik che e k’o 50 mil chi taq ala taq ali che ri k’o kitat kinan ri’ xuquje’ k’o jun kachall pa le japache’ ri’.

Rumal ri’ katzukux kuk’ ri nuk’wokaj rech pa naj tinamit rech katz’ib’ax pa jun wujilal kib’i’ taq le ak’alab’ che ri keraqataj pa k’ax ri’. Rumal k’ut eri jun 85 por ciento rech 2, 136 chi taq ak’alab’ xutum kuwach kumal taq kachalal ri’ xa’rumal keraqataj pa japache’ ri’, xcha’ ri Barrios.

COMPARTIR