Pa le 26 q’ij rech ik’ mayo ilom chik ri b’anoj chomanik kumal ri q’atb’altzij rech ri Viceministerio rech Ya’olchajinem rech Gobernación ri’, ri Wokajil K’utb’e rech ri Wokajil Ajchajil Tinamit kuk’ ri e Ajkejach’ich’ rech Iximulew ri’, rech kechomanik pa komon pa le ukab’ b’anoj chomanik ri’, chi’ k’u ri’ rech kakiya’ pa k’utik ri kachomatajik rech kak’exik ri acuerdo gubernativo ri kitaqan chi ke ri e ajkejach’ich’ rech kakikojo ri kichalekos ruk’ ri kaxko ri’.

Eri e ajkejach’ich’ ri’ e nuk’kiwokom kib’ xkiya’ pa k’utik pa le kab’lajuj q’ij rech ik’ abril kanoq, rech aretaq xkita chi ke ri Ajb’anol Taqanib’al pa Amaq’ ri’ xuquje’ chi ke ri Ministerio rech Gobernación xuquje’ che ri Ajchajil K’utbe kak’exik ri Acuerdo Gubernativo 105-2009, ri ke’utaqo rech kakikojo ri q’an chalek ruk’ rajilab’al utaretal ri kejach’ich’ ri’, je ri’ ri kuchb’al kijolom rech kech’ob’ ri’, are wa’ uwach ri kak’exik pa le Reglamento rech Tránsito ri’.

Eri viceministro Ricardo Guzmán, xuya’ utzijoxik che tajin kutzukuj rech kachomatajik ri jun k’ax ri’ tajin kub’an k’ax chi ke ri ajkejach’ich’ ri’, rech kub’sib’al kakib’insaj ri kich’ich’ ri’.

 “Man rech taj ke’oksax che b’anoj k’ax aretaq kakib’insaj ri kach’ich’ ri’ rech keq’atix ta kumal ri ajchajil tinamit ri’ aretaq kewa’kat che ya’olchajinik ri’; rumal ri’ sib’alaj rajawaxik kakinimaj ri kataqan wi chi ke ri jun taqanem ri’; xa’rumal eri kutzukuj kuchomaj are k’o pa usaqil ri’ ri kachomaxik ri’”.

Xuquje’ eri Guzmán xuya’ ub’ixik che juntir ri’ tajin kikaj kakichomaj uwach ri k’ax tajin kil kumal ri e ajb’insal ri kejach’ich’ ri’, emu wa’ ri’ rech katzijox rij xuquje’ rech kanimax uwach rech ke’ok pa junamil chomanik ri’, kojpa’ ri ronojel rajawaxik kachomax chi ke ri’.

Rumal ri’ k’o jun chi ke ri ajchomal kech ri e ajkejach’ich’ ri xch’ob’ uwach kab’ix Tito che, xuta che ri viceministro Guzmán, rech qas kachomaxik ri jun acuerdo gubernativo ri’ ri choman wi rajawaxik ko’ksax ri chalek kumal ronojel ri e ajkejach’ich’ ri’ ruk’ kikojom retal uplaka ri kikejach’ich’ ri’.

Xuquje’, xuya’ chi ke che rajawaxik kak’ul ri yab’al ximonik chi rij taq ri kejach’ich’ keleq’axik, xuquje’ rech kechajixik ketzukuxik nik’aj elaq’omab’ tajin kakib’an elaq’ chi ke taq ri e ajtaqo’n ri’.

Eri taqanel rech ri Departamento rech Tránsito rech ri Wokajil Ajchajil Tinamit ri’, Otoniel Sandoval Bonilla, xuya’ ub’ixik che k’o ya’olchajinik katajin ri’ rech eri e ajkejach’ich’ kewa’katjik rech man k’ot k’ax kab’an tane chi ke rumal kikojom ri taqom kakikojo ri’, rech keq’alajin chaq’ab’ aretaq kewa’tak pa le nima b’e ri’.

 “Rumal kub’sib’al kewa’katik ri e ajb’insal ch’ich’ ri’ xuquje’ rech k’o kub’sib’al ri wa’katem kab’an pa taq le nima b’e ri’, rumal ri’ kab’an wa’ ronojel taq ya’olchajinik ri’, kojpa’ ri chajinem tzukunik kojom pa taq ri wa’katib’al ri’”, xcha’ ri Sandoval Bonilla, xuquje’ ri xub’ij chik “Ruk’ ri ya’olchajinik tzukunik ri’ man k’ot jun b’anoj k’ax tane kaqab’an chi ke ri e ajkejach’ich’ ri’, emu wa’ sib’alaj rajawaxik kanimaxik ri ya’olchajinik kub’sib’al ri’”.

Swiffy Output
COMPARTIR