Katajin nim ya’olchajinik ri’ pa le kiq’atexik le elaq’omab’ kakitoq’ij pwaq kekamisanik

314

Are taqim kichapik e jo’k’al (100) winaq kab’ixik e elaq’omab’ tajin kakitoq’ij pwaq xuquje’ kekamisanik, rumal ri Ministerio rech Gobernación pa reqale’nib’al ri Wokajil Ajchajil Tinamit (PNC), xuquje’ kumal ri ajq’atol tzij rech ri Ministerio Público rumal ri’ k’o 184 chi tzukunik xkib’an k’ut pa waqxaqib’ (8) tinamit pa we amaq’ ri’.

Eri taqawokajnel ya’olchajinik pa amaq’, Francisco Rivas Lara, xuya’ ub’ixi che b’anow tzukunik ri’ are b’a’ rech kechapik nik’aj molaj b’anol k’ax elaq’nik kamisanik ri’ rumal k’ut e are kakib’an k’ax chi ke ri winaq xuquje’ xa’rumal man k’ot jorob’anem ruk’ joremal chi ke ri winaqil e aj iximulew ri’ je ri’ chi ke ajchakib’, rumal ri’ eyeb’em rech kechap na ri’.

 “Are wa’ jun ya’olchajinik are b’enaq chi kij ri barrio 18 rech ri mara salvatrucha. Rumal ri’ pa komon b’a’ ruk’ ri Wokajil Japache’ rech man kakititz’ ta kib’ chik pa japache’ ri’. Rumal ri’ k’o tz’apib’al kech ya’tal chik pa saq chi pa nimatinamit xuquje’ pa taq nik’aj chik tinamit ri’” xcha’ ri Rivas Lara.

Pa taq le b’anow tzukunik ri’ e k’o oxib’ (3) mil eqa’lenelab’ rech ri PNC kuk’ ajtzukunelab’ ri’ e taqom che kitzukuxik ri’ rech keq’atexik, xa’rumal eri e ajchoq’e wokajil ch’ich’ erelwinaq rech pa nimatinamit xuquje’ rech ri keb’e pa taq naj tinamit ri kakib’an k’ax chi ke ri’, xuquje’ k’o mototaxis, bicitaxis, nim taq k’ayib’al, pa taq k’ayib’al, wokja k’olib’al, je ri che ri umeb’ilal amaq’il xuquje’ chi ke winaq ri qas kakib’an wi k’ax ri’.

Rumal ri’ we kamik xya’taj ub’ixik che e k’o juwinaq jo’ob’ (25) chi winaqil xechapatajik ri’ e are k’ut: a Henry Aroldo Camacho Ramón, a Lester Alejandro Espinoza Espino, a Daniel Vicente Toledo Acabal, a Wilson Estuardo Barrayo Pu, a Jorge Alfredo Arredondo López, a Roberto Stive Bámaca Pelico, a Héctor Aldair García Pérez, a Enrique Osvaldo Moran Trinidad, a Walter Danilo Mejía García, a Marvin David Xeron Quezada, a Edwin Lionel Cano Pérez, a José Eduardo Alvarado Marroquín, a Damaso Ottoniel Ramírez Pansoy, a Pablo Pérez Chávez, al Aleida Aracely Mendoza Ambrosio, al Sandra Patricia Vides Guzmán, al Claudia Elizabeth Monterroso López, al Rosa Amalia Carrillo Ajcabul, al Catarina Aguare Osorio, al Carmen Teresa Santos Medrano, al Glendy Noemí Barreno Vicente, al Rosa Ángela Morales Pineda, al Irma Dolores Noj Tecu, al Lissy Jasmin Cabrera Barrios xuquje’ ri al Jennifer Paola Oliva Boch ri’.

COMPARTIR