Katajin tzukunik rech kaq’atexik ri k’ayin awan kunb’alil ri’

257

Are wa’ uwach ri tzukunik rech uq’atexik ri k’ayin awan kunb’alil pa we amaq’ ri’, eri Ministerio rech Gobernación pa le uchak patanil ri uro’ viceministerio antinarcótico xuquje’ kumal ri eqa’lenel rech ri Subdirección General rech Usolwachixik xuquje’ rech Tzijob’elil Antinarcótica (SGAIA), k’o 100 uwach tzukunem xub’an pa oxlajuj juyub’ tinamit, che ri xkowin wi xe’uchapo e 57 winaq ri’.

Xuquje’ k’o 203 rab’arik chi kunab’al rech Cocaína, ruk’ 43 uware rech Cocaína, ruk’ 495 ab’aj rech crack, ruk’ 575 taq pisb’al rech marihuana, ruk’ lajuj k’olib’al k’o chiyb’al rech ruk’ marihuana, ruk’ 15 pajb’al rech Marihuana, ruk’ kajib’ pisb’al chik rech marihuana, ruk’ Q.24, 773.25 xuquje’ $10.00, ruk’ jun ch’ich’ che ri xraqatajik (jun moto eleq’am ri’), ruk’ kajib’ k’aqb’al xraqatajik, ruk’ jun k’olib’al ub’aq’ k’aqb’alil ri’, ruk’ 18 ch’a’wib’alil ri’.

Eri uro’ viceministro rech Gobernación, Óscar Dávila xuya’ ub’ixik che we jun tzukunik ri’ are rech kaq’atexik k’ayin awan kunb’alil ri’, pa taq le juyub’ tinamit rech Izabal, Chiquimula, Suchitepéquez, Chinab’jul, Zacapa, Sacatepéquez, Chimaltenango, Jalapa ri’; pa nimatinamit pa zona 1 ri’, pa le zona 18 xuquje’ pa taq nik’aj chik, xa’rumal k’ut are wa’ jun k’ax ri sib’alaj k’axk’olil ub’anom chi ke ri taq ak’alab’ xuquje’ chi ke alab’om alitom ri’.

Pa le ya’olchajinem ri’ ub’i’ Mi Pais sin Drogas, e k’i winaq xetatb’en chi’, cho kuxo’l ri’ e k’o 700 eqa’lenelab’ rech ri SGAIA, 130 rech ri MP xuquje’ ri k’amal b’e che ri xech’ob’ik pa taq le b’anow k’ayib’al awan kunb’alil ri’.

COMPARTIR