K’o wa’katem ya’olchajinik ya’talil pa umajb’al tijonik pa we junab’ ri’

292

Are rech b’a’ kaya’tajik jun k’olib’emal ruk’ ki’kotemal xuquje’ ya’olchajinik chi ke ri ajtijoxela’ pa le umajb’al rech ri tijonik pa we junab’ ri’, eri eqa’lenelab’ rech ri Subdirección rech Q’atel K’ax pa uwokajil Ajchajil Tinamit ri’ ­(PNC) rech ri programa Escuelas Seguras ri e are k’a te xetaq b’ik pa taq rachoch taq Tijob’al pa we amaq’.

Are ya’tal pa ilonik ri kichak patan ri eqa’lenelab’ rech ri PNC ri’, eri Viceministro rech Q’atel K’ax, Axel Romero xub’an jun nim wa’katem pa taq ri Escuelas xuquje’ Nik’aj chik Tijob’al e k’o pa taq le Colonias Mezquital xuquje’ Villa Lobos, rachb’ilam b’ik ri Viceministro rech Wokib’al xuquje’ rech Ilob’alil ri b’anow utzalaj tijonem rech ri Ministerio rech Tijonem, José Moreno.

Eri taqawokajnel xuya’ ub’ixik che we ya’olchajinik b’inisam uwach ri’ are xmajtajik k’a pa le jo’ob’ q’ij rech enero pa le q’ij rech kitz’ib’axik ak’alab’ ri’, rech pa jikomal joremal ri tat nan kakitz’ib’aj ri kalk’uwal pa taq le Tijob’al ri’.

“Kujtob’anik che ri ya’olchajinik pa taq le tijob’al ri’, eri uno’jixik ri’ are rech kab’an jun komonchak ruk’ ri Ministerio rech Tijonem rech qastzij b’a’ utz ri kakitijoj kib’ ri alab’om alitom e ajtijoxela’ ri’ xa’rumal e are chik e ajchomanelab’ pa chuwe’q kab’ij xuquje’ rech utz ri ya’talil pa taq kik’aslemal ri’”, xcha’ ri Romero.

Eri programa Escuela Seguras are ya’talil pa we amaq’ pa 134 chi Tijob’alil ri’ xuquje’ e k’o ri’ e 100 eqa’lenelab’ rech ri PNC kechajin chi ke, chi rij taq ri tijob’al ri’.

Xuquje’ k’o tob’anik ya’talil ri’ chi ke kumal ri eqa’lenelab’ rech taq ri Comisarías, Estaciones, Subestaciones xuquje’ rajchak taq ri Unidades Especiales, rech ri Subdirección General rech Investigación Criminal (SGIC) xuquje’ rech ri Subdirección General rech Análisis e Información Antinarcótica (SGAIA), rumal jeri’ xtaq ub’ixik chi ke konojel ri pa kiwokajil ri e ajchajin tinamit ri’ rech ketob’anik che ya’olchajinijk pa umajb’al ri ya’oltijonem, xcha’ ri Romero.

Eri qas xya’taj wi ya’olchajinem ri’ are ri’ pa taq le zonas 1, 6, 7, 18, 21 xuquje’ pa tinamit rech Mixco, Villa Nueva, San Miguel Petapa xuquje’ pa Villa Canales, xa’rumal qas chi’ k’ut qas kak’ulmataj wi b’anow k’ax ri’ xuquje’ tajin uchomaxik rech k’o ya’olchajinik ya’talil ri’ pa 160 chi tijob’alil ri’.

COMPARTIR