Xb’antaj ri nab’e riqb’a ib’ chomanik rech ya’olchajinik chi kuwach ri Iximulew ruk’ El Salvador

265

Eri Migración xuquje’ ri chomab’al k’ulb’a’t juyub’ amaq’, ri ya’olchajinik kumal ri tinamit pa uwachulew ruk’ nim b’anow xib’al k’ax; eri ya’olchajinik pa tinamit ri’ xuquje’ ri rech pa taq k’ulb’a’ juyub’ ri’; ri rech pa taq aduanas xuquje’ ri k’ayin awan taq jastaq, xuquje’ le rech q’atel b’anow k’ax ri’, are wari’ ri uwachtzijonem katzijoxik kachomaxik pa le nab’e Grupo rech Alto Nivel rech Seguridad, pa ub’anikil Iximulew—ri El Salvador, ri kb’an ri’ pa Achuachapán, are rech tinamit centroamericano ri’.

Chi’ k’u ri’ kek’oji wi ri ajtaqo’ninel rech taq ri uq’ab’ taqawokajil rech ri Ministerio rech Gobernación, nab’ijnaq chi kuwach rumal ri viceministro rech Ya’olchajinik, Ricardo Guzmán, xuquje’ ri Secretaría General Ministerio Público, Mayra Veliz. Ri xechomanik ruk’ ri comisionado Mauricio Ernesto Ramírez, xuquje’ ruk’ ri Ministro rech Justicia xuquje’ rech  seguridad Pública rech El Salvador, ri Edgar Lizama Rivera, K’amal b’e rech ri Organismo rech Inteligencia rech Amaq’il ri’; Carlos Castaneda, viceministro rech Relaciones Exteriores xuquje’ e ajto’el chi’ ri ajtaqo’n rech taq wokajil ri’.

Eri Guzmán kub’ij “eri ch’ab’enik ri’ are rech k’o k’amow ib’ rech tzijob’en ib’ pa taq le taqawokajil ri’”

 “Are rech k’o ya’b’al tzijob’enik kuk’ taq ri uq’ab’il ri qich patanelab’ salvadoreñas rech kachomaxik ri ya’olchajinik ruk’ q’atoj tzij ri’”.

Sib’alaj xuya’ ub’ixik che are tajin katzukuxik rech k’o komonchak rech uq’atexik b’anow k’ax ri’ pa rulewal taq tinamit ri’ “rech ya’talil komonq’ab’ chi rij kumal ri keb’ nimatinamit ri’, rumal ri’ are rajawaxik kujt’uyib’ che uchomaxik pa komon rech uq’atexik ri b’anow k’ax pa taq le tinamit pa le rulewal centroamericana” xkub’isaj ub’ixik ri patanel rech aj iximulew ri’.

Rumal ri’ eri Ministro rech Suk’umalil xuquje’ rech Ya’olchajinik rech El Salvador, Mauricio Ramírez, xub’ij che katajin reyb’exik rech kachomaxik pa taq le riqb’al ib’ kumal ri kajawal xuquje’ kumal ri ukab’ molaj rajchak ri jujun taq wokajil ri’, “rech kekowinik kakichomaj ri k’o pa kicholb’al chak ri’ xuquje’ retaxik ropanb’al ri k’axk’olil pa taq le jujun jachakunb’al ri’ are rech kaya’ pa saqil ri ub’anikil ya’oltzijolinik ruk’ ri cholchakb’enik ri’”.

Pa taq qajib’al q’ij ri’ eri molajil chi kijujunal kakisik’ij uwach ri nuk’chomab’al ri tz’ib’atil pa k’isb’al ri’ pa le nab’e riqb’al ib’ rumal ri Grupo rech Alto Nivel rech Ya’olchajinik ri’, pa ub’anikil Iximulew —El Salvador ri’.

COMPARTIR