Are rech b’a’ k’o kiya’ wi’ loq ub’ixik kitzijol uq’axnik awan kunab’al, ri awan utiko’nib’al rech Marihuana ruk’ ri Amapola, xuquje’ ruk’ uq’axaxik pwaq ri maj pa usaqil ri’, ruk’ nik’aj chik b’anoj itzelal ri’, rumal ri’ eri q’atb’altzij rech ri Ministerio rech Gobernación (Mingob) xuquje’ ri Wokajil Ajchajil Tinamit (PNC), xkiya’ ub’ixik che ketajin che utzijob’exik chi ke ri tinamit Iximulew che xkoj pa jumul chik ri retalil ri ch’a’wb’alil 1577, are rech ch’a’wb’alil Antinarcótica.

Ri are rech kakimol uwach, kakinuk’u xuquje’ rech kakilo jas le tzijol chupam qas k’o ukub’sib’alil ri’ le tzijol taq kaya’ loq ub’ixik pa le 1577, ri are wa’ xuquje’ kaya’ ub’ixik cho taq nima’q peraj wuj, cho taq setwujil, cho taq q’apem wuj, cho taq wuj rech ya’oltzijolil, pa taq uwachwuj pa kemamtzij, pa taq q’axaltzij, cho taq wuj rech tzijol tz’ib’am, pa taq toluwach ub’ixik xuquje’ pa taq tob’al q’axaltzij ri’.

Chuwach ri’ are keyexik le utzilal le chak patan ri’ kumal le ajchajil tinamit e ajq’atel rech ri awan kunab’al ri’, rech k’o k’i le uwachinik le chomam pa le ch’ob’otal chak ri’ pa le Plan Táctico 2016 rumal ri Subdirección General rech Análisis rech Información Antinarcótica, ruk’ nim uno’jb’anik ri’ xuquje’ ruk’ jun nim yab’al patanem kuk’ ri tinamit ri’.

We jun cholchak ri’ are xkojik rumal ri Subdirección General rech Análisis rech Información Antinarcótica rech ri Wokajil Ajchajil Tinamit xuquje’ ruk’ nim utob’anik le Quinto Viceministerio Antinarcótico rech ri Taqawokajnem Ya’olchajinik pa Amaq’, are rech b’a’ k’o amaq’el tzijob’enik xuquje’ chomanik kuk’ ri winaqilal ri’ xuquje’ are rech b’a’ k’o yab’al chakunem pa komonb’al kuk’ le winaqilal ri’.

Rumal ri’ xoksaxik jun ajilol rech ri k’iyemal pa le Cholchak ri’ che ri Uk’ab’ K’amal b’e rech ri  Subdirección General rech Análisis Antinarcótica, comisario General rech ri Wokajil Ajchajil Tinamit che ri Yodzaida García.

Ri ub’anikil chak ri’

Ruk’ wa’ katzukuxik le yab’al uchuq’ab’ ri komon chak wokajil ri’, je ri’ le uwokik kuwach le komon taqawokajil ri’, uq’atexik xuquje’ uq’ajisaxik uchuq’ab’ ri k’ayin awan kunab’al ri’, je ri’ ri cholchak rech q’atel awan kunab’al ruk’ kiq’atexik ri Nuk’wokaj le Ajk’ayin Awan Kunab’al ri’.

Eri cholchak No.04-20016 Línea Antinarcótica xok pa uq’ijol ri’ pa le nab’e q’ij rech Julio rech 2016, are kak’is uq’ijol pa le 31 rech diciembre pa we junab’ ri’.

COMPARTIR