Xb’antaj ri k’uttijonem utzijoxik rech ri Ub’eyal Q’atel K’ax pa Tinamit ri’

113

Eri viceministro Axel Romero xuya’ utzijol che pa le keb’ q’ij ri’ xb’an ri k’uttijonem kuk’ taq ri komon, molaj winaqil pa tinamit ri’ chi rij uta’ik chi ke xuquje’ rech xya’taj ub’ixik chi ke chi rij le uwokik ri Ub’eyal Cholchak rech Q’atel K’ax pa Tinamit ri’.

Xub’ij chik che pa le k’uttijonem ri’ katajin uraqik ri ub’anikil kache’lajil pa taq tinamit pa uwachulew ri’, ri tak’al uk’u’x k’a pa le kak’iyemal ri winaq ri’, k’a pa le komonb’alil ri’ xuquje’ are rech kachomaxik ri meb’a’il e ok’owinaq wi ri winaqil ri’ pa le uwach kituke’lem kib’ ri’ xuquje’ are wari’ kub’sib’al uwach ri’ rech uya’ik ri utzalaj taq b’anikil tijonem chi ke ri ak’alab’ ri’, rumal ri’ k’o chak chomanik kab’an kuk’ taq ri nan tat ri’ xuquje’ pa chi rij kijunab’ ri alab’om alitom ri’.

Eri ya’tal chik pa uq’ijol xub’ij ri’ “E pa taq kasaqirik ri’ are k’o kab’an chomanem kuk’ ri wokajil e ajtob’anelab’ xuquje’ kuk’ taq ri wokajil k’o e ajchoq’e ri’ xuquje’ pa taq le qajib’al q’ij ri’ k’o b’anow chomanik kuk’ taq ri taqawokajil konojel ri e sik’im chi’.

 “Eri kraj utaqim uchakuxik ri’ are b’a’ eri ub’eyal ri jun uk’u’x chomanik pa komonchomanik pa taqawokajil ri’, xa’rumal e ronojel ri uwach chakub’al ri’ are rech kachakuxik kuk’ ri winaq e sib’alaj meb’a’ ri are wa’ man uchak ta ri’ ri Ministerio rech Gobernación, eri vicedespacho rech Q’atel K’ax ri’ ri are xa’ kuk’am ub’e ri b’anow chomanik ri’, eri ub’anikil juntir k’ut k’o pa le uchak patan ri Ministerior rech Chakunem ri’ ruk’ ri programa rech Emprendedurismo xuquje’ are rech Okel pa Chakunem Alab’om Alitom ri’, ri Becas Chakunem rech ri Ministerio rech K’iyemalil ri’”, xcha’ ri Romero.

Rech pa uk’isb’alil ri’ eri Viceministro xub’ij, “Eri uj kaqeye’j che pa enero petinaq ri’ k’isom chik uchakuxik ri ch’ob’otal chak ri’ rech kajach pa uq’ab’ ri K’amal b’e pa Amaq’il ri’ xuquje’ rech ya’talil chik kakoj rumal ri Taqawokaj rech Ya’olchajinik xuquje’ rumal ri Taqawokaj rech K’iyemalil ri’. Eri no’jinik ri’ are qas utak’ib’al ri uwachinem chak patan ri’ ri e k’o chik rech kak’aq rij pa le k’utb’al rech ri uwachinem chak ri’, pa le kichomaxik ri molaj winaq sib’alaj e meb’a’ kib’antajik ri’ ri e are ri’ e cham chik rumal ri Ministerio rech Gobernación xuquje’ ri Taqawokaj rech Ya’olchajinik ri’”.

Swiffy Output
COMPARTIR