K’o waqib’ chi k’olib’em xesataj pa kiq’ab’ ri b’anol taq k’ax

189

Ruk’ taq chakub’al xuquje’ k’olib’al rech kunab’al wo taq xan e k’o e 30 eqa’lenelab’ rech ri Subdirección rech Q’atel k’ax rech ri Wokajil Ajchajil Tinamit ri’ (PNC), k’amal b’e komonb’al chi’, kuk’ kitat kinan taq ak’alab’, taq ala taq ali xuquje’ kuk’ alab’om alitom rech Villa Lobos I xuquje’ II, jeri’ jacha’ pa le Mezquital xuquje’ pa le Búcaro, k’o waqib’ chi’ k’olib’em ri’ xkesaj pa kiq’ab’ nik’aj molaj b’anol k’ax chi’ aretaq xkikunaj rij taq ja jeri’ wo taq xan pa tinamit ri’.

Rumal k’u ri’ sib’alaj rajawaxik pa komonb’al chi kuwach ri wokajil jacha’ ri Ministerio rech Gobernación, ri Wokajchakub’al rech Q’atel k’ax rech ri PNC xuquje’ ri INL-Guatemala ri’, kakimol kib’ pa jalajoj taq b’anikil chak patan ri’ rech kakesaj ri k’olib’em pa kiq’ab’ taq ri maras xuquje’ rech kakikunaj chi’.

Eri taqkil ri’ are xb’antaj pa le Lomas rech Villa Lobos I, pa Villa Lobos II xuquje’ pa Mezquital, jeri’ jacha’ pa taq Xe’laju’ xuquje’ pa taq Chimaltenango, rech ya’tal ta chi ke ri alab’om alitom che ri e jaqal chi’, rech ke’ok pa taq b’anow k’ax pa taq le tinamit chi’.

“Sib’alaj k’o nim upatan ri’ ke’esax ri k’olib’em ri’ pa kiq’ab’ taq ri b’anol taq k’ax, rumal ri’ sib’alaj rajawaxik kaketa’maj che ri PNC pa komonb’al ketajin che ya’olchajinik ri’ xuquje’ rumal ri’ rajawaxik b’a’ kakikub’isaj kik’u’x chi ke ri q’atb’altzij rech ri wokajil ajchajil tinamit ri’ rech te k’u ri’ pa joremal b’a’ kek’oji pa kik’aslemalil pa taq kik’olib’alil ri’2, xcha’ ri José Antonio Tzub’an, k’amal b’e rech ri wokajil q’atel b’anol k’ax ri’.

Ruk’ wari’ kojtajin b’a che ub’anik jun utzalaj wa’lisanem xuquje’ ruk’ jun utzalaj ub’eyal k’iyemal rech q’atel k’ax ri’, chi’ k’u ri’ are rajawaxik katerenb’ex ub’ixik utzijoxik chi ke ri winaqilal rech ketatb’enik pa le ya’olchajinik pa tinamit ri’.

 

COMPARTIR