K’o nimalaj kojb’al choq’ab’ rech kab’antaj kowinem kajachik ri Wujq’axb’al ri’

130

“Are ocho mil 500 chi wujq’axb’al ri k’o chik pa we amaq’ ri’, rumal ri’ sib’alaj katajin nim choq’ab’ chi rij rech pa aninaqil kajach loq ri karaj na rech kajach chi ke ri winaq che ri ketaw rech”, xcha’ ri viceministro rech Q’atel b’anow k’ax, Axel Romero,a retaq xel loq pa le riqb’al ib’ chomanik kuk’ ri ministros ri’.

Pa le 28 rech marzo xok loq 38 mil chi wujilal ri’ 25 mil ri’ xtaq b’ik pa najtinamit ri’, rech uchomaxik kiwujil ri winaq che ri keraqataj naj ri’ xuquje’ eri 13 mil chik are kajach na ri’ eri 8 mil 500 are kajach chi ke ri winaq che ri ke’opan che resaxik pa uk’ux’ jachakunb’al rech esab’al ri wujq’axb’al ri’ xuquje’ ruk’ wari’ eri k’o pa rajilab’al ri’ are rech pa le kichomaxik ri winaq e aj iximulew che ri kikaj ri’, xcha’ ri Romero.

K’o 110 mil chi wujq’axb’al pa k’sib’al ik’ ri’

“Pa oxib’ uwach wuqq’ij ri’ eri Amaq’ Nimatinamit rech Alemania, kujach chaqe ri’ 100 mil chi wujilal ri’, are uwach ri oxib’ jachb’al rech chaqe ri’ juntir wa’ are k’o kajach pa taq nimatinamit chisaq panoq xuque’ rech k’o ya’talil chi’ pa we amaq’ tinamit ri’”.

Te k’u ri’ chik k’o 338,000 chi wujq’axb’al kajach pa le ukaj jachb’al rech ri’ are ri’ kopan panik’aj q’inomal rajilab’al jacha’ ri tz’ib’am pa le wuj rech chomab’al rech ri’ xuquje’ jeri’ katajin chik uchomaxik rech ri kajach chik pa jun chik junab’ ri’ xuquje’ rech kak’ulmataj ta chik jacha’ ri xk’ulmax pa we junab’ ri’.

Ya’tal chik rech katz’aj ri DPI pa we amaq’ ri’

Aretaq xtijob’exik jas pa ub’antajil ri Wujil rech Kitzijol Winaqib’ ri’ (DPI), eri Romero xuya’ ub’ixik che xchomataj ub’antajil ri’ pa le Jachakunb’al rech Kitzijol Winaq ri’ (RENAP), ruk’ ri jachakunb’al b’anol rech ri’ rech kujach k’ut oxib’ chi ch’ich’ chakub’al tz’ajb’al rech ri DPI ri’ xuquje’ are xaq xu’ wiri’ kil ub’antajil uwach ri’, ri ula’wchixik xuquje’ rech ub’antajil pa le utz’ajik ri wujilal ri’.

“Are wa’ kanajtib’ oxib’ uwach wuqq’ij ri’, chi ke ri’ kojtajin chik che utz’ajik uwach ri DPI ri’, xk’iy pa rajilab’al ri’ rech kab’antaj kowinem katz’aqatisax ujachik ri’ xuquje’ ruk’ wa’ kaqab’ij che pa le jo’lajuj q’ij rech ik’ mayo xuquje’ pa le waqib’ q’ij rech ik’ junio, eri uj kaqak’is utz’ajik ri 400 mil chi DPI ri’ che maja’ na ketz’ajik xuquje’ are rech b’a’ k’o kaya’ chi ke ri winaqilal e aj iximulew ri’”.

Eri Romero xuya’ ub’ixik ucholajil che we kamik ri’ eri Wokom Taqawokaj k’o chik pa uq’ab’ na ri’ rech kumaj uya’ik we wujil rech kitzijol ri winaq ri’ xuquje’ k’o chik ri chakub’al rech ri xa’ loq’ pa qojom pa aninaqil ri’ rech pa aninaqil b’a’ kamajtaj uya’ik we wujilal ri’.

COMPARTIR