Xqaj kajilab’al ri e ajcha’el che K’amal b’e rech ri RENAP

188

Are rech qas kacha’ik ri utz winaq rech kakoj che K’amal b’e rech ri Registro Nacional rech Winaqib’ (RENAP), xya’ pa utzijoxik kib’i’ e 11 chi winaqil ri xkitz’aqatisaj ri kiwujilal ri’.

Eri k’amow ub’e ri RENAP are wokotal uwach kumal ri Ministro rech Gobernación Francisco Rivas Lara, Jorge Mario Valenzuela xuquje’ Rudy Marlon Pineda Magistrados rech ri Tribunal Supremo Electoral (TSE), e are k’ut xkiya’o ub’ixik che aretaq xsolixik ri 16 uwach taq wujilal ri’ xaq xu’ wiri’ e 11 chi ke ri’ xkitz’aqatisaj uwach taq ri’.

Eri k’amal b’e rech ri K’amow ub’eyal ri’ xuquje’ ri nimq’atoj tzij rech ri TSE, Rudy Marlos Pineda, xuya’ ub’ixik che ri e ajcha’el ri’ e are tq wa’:

  • Herbert Alberto López Alejandro
  • Sergio Roberto Vinicio Barillas Ramírez
  • Rodolfo Estuardo Arraiga Herrera
  • Enrique Octavio Alonzo Aceituno
  • Edwin Rudy Eduardo Vitola Vitola
  • Juan Carlos Herrera San José
  • Mario Rolando Sosa Vásquez
  • Marco Antonio Villatoro Ramírez
  • Luis Humberto Chinchilla López
  • Walter Erick Mendizabal Sandoval
  • Olga María Matta Bailón

Eri kib’i’ taq ri e ajno’jchakunel ri’ xkinimaj uwach utz’aqatisaxik ri kiwujill ri’, che ri xya’taj pa le Diario rech Centroamérica pa lunes ri’ petinaq chik.

Eri nik’aj chik e jo’ob’ che ri man xe’ok ta pa le cha’em ri’, kataq ub’ixik chi ke, xkub’isaj ub’ixik ri k’amal b’e komonchomanelab’ rech ri RENAP ri’.

COMPARTIR