Ruk’ esab’al taq wachib’al ilob’alil, eri ya’olchajinik kaya’taj ri’ ruk’ no’jb’anem pa kaj, ruk’ ri chokonsab’al ub’i’ drones, pa le ya’olchajinik kab’an chi ke ri etz’anelab’ kuk’ e ajka’yel chi ke ri’, are rech b’a’ kaq’atexik ri b’anow k’ax chi’ ri karesaj ri joremal ki’kotemal pa taq le etz’ab’anem ri’.

 “Eri ya’olchajinik ri’ are xtaq ukojik ri’ aretaq k’o jun ta’b’al xb’an chi rij ri’ pa le nimriqb’al ib’ xk’oji wi ri Ministro rech Gobernación, Francisco Rivas Lara ri xuta’o ri xaqab’ij che ri are ri’ chi rij taq ri qachomam ri’, rech b’a’ kaq’atexik ri b’anow k’ax chi ke taq ri winaqil chi’, chi ke taq ri ch’ich’ ketak’ab’ax chi’ ruk’ taq ri jastaq ri’ rech man kak’ulmataj ta chik ri b’anow k’ax kojpa’ b’anom kanoq pa Iximulew ri’, je ri’ xaqachomaj ruk’ pa le jun molin ib’ ri’”, xcha’ ri Rafael Arriaga Martínez, K’amal b’e rech ri equipo rech futbol rech ri liga Nacional Antigua F.C. ri’.

Xub’ij chik, “Nimalaj ki’kotem kujraqatajik ri’ xcha’ ri tat Ministro jeri’ xub’ij chi ke ri k’amal b’e rech chajin tinamit ri’, kojpa’ b’a’ ri k’ax xk’ulmataj kumal ri e ajka’yel rech ri jun chik molaj etz’anelab’ ri’, pa le estadio Pensativo rech Antigua, xuquje’ rumal ri’ kaqata jun uwach cholchak rech ya’olchajinik ri’, rech kechajin pa le etz’anem kumal Antigua kuk’ ri Municipal chuwe’q jueves k’a pa taq ri 3:30 kajb’al rech pa qajib’al q’ij, xuquje’ jeri’ pa le etz’anem kab’an uj aretaq kujtzalij loq, junam ri’ pa le keb’ kuwach ri ketz’anik pa le estadio Doroteo Guamuch, pa domingo pa taq ri 11 kajb’al rech saqarib’al q’ij ri’”.

Eri Arriaga xub’ij che nim ki’kotem k’olik rumal kurilo che ri Rivas Lara, xuya’ ub’ixik uchojal ri ya’olchajinik rech q’aten b’anow k’ax ri’, ri are wa’ kub’ij sib’alaj k’o nim kupatanij ri’ xuquje’ are wari’ man rech ta b’anow ch’ojinik chi ke ri kakib’an ri k’ax ri’.

COMPARTIR