Aretaq xeq’ax ri nab’e taq ixoqib’ e tz’apil pache’ ri’, pa le Japache’ rech kesuk’umax wi’ xuquje’ ri Nim ub’antajil Japache’ k’o pa Fraijanes I, eri Ministro rech Gobernación Francisco Rivas, xub’an jun nim solinik chi ke pa le japache’ tz’apib’al ri’ rech xb’e che rilik ri ub’anikil ri cholchak rech suk’umal kech ri’.

Pa le ub’ik chi’ eri taqawokajnel ri’ xopan k’ut pa b’anob’al tjob’al wa ri’, chi uchi’ taq ri ja ri’, chupam taq le tz’apib’alil ri’, pa le kunanib’al kech ri ixoqib’ e tz’apil chi’, eri e are ri’ xkib’ij loq che sib’alaj kakimaltyoxij, sib’alaj keki’kotik xuquje’ utz kakilo ri tob’anik tajin ya’ik chi ke kumal taq ri q’atb’altzij ri’ kb’an utz chi ke aretaq xeq’axaxik pa Fraijanes 1 ri’.

Eri taqawokajnel rech ya’olchajinik pa amaq’ ri’, xumaltyoxij ri tob’anik kiya’om le e ajchak chi’ xuquje’ chi ke ri e ajchajinelab’ chi’ xuquje’ rumal utz kachajixik ri e ixoqib’ e tzapil chi’, rumal ronojel kanima’ ketajin che ub’anik ri kichak kipatan chi’ pa le nab’e japache’ ri’ rech ri k’ak’ Taqanem pa Japache’ ri’.

“Sib’alaj k’ut kujki’kotik ruk’ taq ri chakunem katajin chi’, k’o tzijob’enik b’a’ kujtajin che uya’ik chi ke ri e ixoqib’ e tz’apil chi’, ri xkiya’ ub’ixik ri’ che k’o jun xk’extaj na che utz na chuwach ri xe’l wi loq ri’” xcha’ ri Rivas.

Chi’ xk’is wi retaxik kik’olib’em kib’antajil ri e ixoqib’ e tz’apil chi’, rumal ri’ k’o jujun taq tijonik kaya’ na chi ke chi’ ruk’ jujun taq k’uttijonem ri’, chi’ k’ut eri e ixoqib’ e tz’apil chi’ k’o ri kakipatanij chi’ pa le nimtijonem kaya’ chi ke k’a aretaq katz’aq ri q’ij ke’al b’ik loq. Rumal ri’ are rech b’a’ utz ri kakipatanij kuk’ ri winaqilal e aj iximulew ri’.

Eri kik’aslemam ri e ixoqib’ e tz’apil ri’ che utz keraqataj wi. Eri al Ingrid Roldan, are jun chi ke ri e tz’apil chi’, sib’alaj xkiya’o ub’ixik che “utz na chik rilik rumal qas nim ri’” keraqataj wi chi’, man junam taj ruk’ taq ri xe’al wi loq pa le Japache’ kech ixoqib’ ri’ (COF).

“Sib’alaj kinki’kot ri’, xcha’, pane’ b’a’ qas pa nab’e kanoq man kuwaj taj ri’, emu wa’ chik we kamik sib’alaj pa jikomal kinna’o chik in k’o chi’ rumal ri’ sib’alaj kinmaltyoxij ruk’ utob’anik kiya’om ri q’atb’altzij rech Gobernación chi’” xcha’.

Eri Paola Reyes, xkub’isaj ub’ixik che pa no’jimal katajin uk’extajik juntir chi’ xuquje’ rumal ri’ sib’alaj utz chik kaqilo u k’o chi’ pa Fraijanes I, xa’rumal sib’alaj utz kojil waral xuquje’ nimam qab’antajik chi’.

Xuquje’ xuna’taj ub’ixik che ri pa le COF kanoq cho ulew kawar wiri’.

“Chi’ k’ut k’o jun yub’ kinwa wiri’ xuquje’ k’o nuya’om wi nujastaq ri’, e pa le COF e nujastaq k’i xinsach chi’ rumal qatitz’om qib’ chi la’. Rumal ri’ kinki’kotik chi’, rumal katajin uk’amanik chuwe man je ta ri’ qas xujpe chi’ rumal k’ax xintijo, emu wa’ chik, ruk’ kitob’anik ri q’atb’altzij ri’ sib’alaj utz chik in k’olik utz kinraqataj chi’”, xcha’.

Eri e ixoqib’ e tz’apil ri’, are ke’il na uwach ri keta’mim pa taq tijob’al ri’, je ri’ kak’uttijoxik kab’an ri’ chi rij taq jacha’ pa kusina, pa b’anow b’ixonem, pa reta’maxik inglés, pa reta’maxik kasuk’umaxik kuwach kilik alitoma ixoqib’ ri’, juntir wari’ pa le k’ak’ taqanem pa japache’ ri’, are wa’ ri kuwa’lijsaj uwach pa le ub’anikil ri k’ak’ taqanem pa japache’ pa juntir ri’.

We jun k’ak’ ub’anikil taqanem pa japache’ ri’ are wa’ katajin upatanixik pa le uq’ijol uchak upatan ri minsitro Rivas ri’, are utaqom ub’ixik kanimaxik rech man kakitz’o ta chik kib’ pache’ ri’ xuquje’ rech maj chik saq’arem chi’, xuquje’ rech ketijoxik ri e ixoqib’ e tz’apilik ri’ xuquje’ rech kilik kib’anik ri’ k’a aretaq kakitz’aqatej uwach ri q’ij rech tojb’al kimak ri’ xuquje’ rech e utz chik kano’jib’al kichomab’al kechakun kuk’ ri winaq e aj iximulew ri’.

COMPARTIR