Eri RENAP xkub’isaj ub’ixik che jun ik’ kanajtib’ che utz’ajik ri 454 mil DPI che ri karaj na

216

Eri Wokajil Utz’ib’am Kitzijol Winaqib’ ri’ (RENAP) xuyuqpisaj uwach ri q’ij chak patan ri’ rech kuk’is utz’ajik Kiwujil rech Kitzijol Winaqib’ ri’ are wa’ xkub’isaj ub’ixik chi ke ri winaqil e aj iximulew che pa jun ik’ ri’ kujach pa saqil ri 400 mil chi wujil rech kitzijol ri winaqib’ che karaj na ri’.

K’a pa ik’ rech diciembre rech ri junab’ 2016 ri’, eri RENAP xumaj utz’ajik kiwujil rech kitzijol winaqib’ ri’, aretaq xuloq’ jun tz’ajb’al wujil ri’ are wa’ katajin che ukojik pa le Uk’u’x ja b’anb’al rech ri Tz’ajib’al ri’ pa le Uk’u’x Jachakunb’al rech ri’, ruk’ wa’ xk’is le 123 mil DPI rech pa diciembre kanoq k’a pa we q’ij ri’.

We kamik eri RENAP are rajawtzij pa juntir ri 100% ri’ rech utz’ajik ri jun wujilal ri’ xuquje’ kachakuxik pa le keb’ tz’ajib’al rech ri wujil ri’, ri tajin kekowin che utz’ajik ri 16 mil chi DPI pa jun q’ij ri’, ruk’ wa’ kakub’isax utz’ajik ri 454,528 DPI ri’ ri are kajach ri’ pa jun ik’ ri’.

Eri ingeniero Julio Ríos, Rajawtzij rech ri Wokajil rech utz utz’ajik b’anb’al rech ri’ xuquje’ Uk’amal b’e reh uchakuxik ri’, are wokajil jachakunb’al rech utz’ajik pa saqil ri DPI ri’, xuya’ ub’ixik che ketajin che reyexik che ri keb’ chakub’al tz’ajb’al rech ri wujil ri’ kutz’aqatisaj uwach ri karaj na.

Rech kab’antaj kowinem kataqixik unimaxik ruk’ jun chak patan ri’ rumal ri’ kachakux ri’ k’a pa taq le 22 kajb’al pa le juntir uwach ri wuqq’ij ri’ xuquje’ are ri’ tajin ukub’isaxik ch ke ri winaqilal ri’ che ri kiwujil ri’ are kajach k’ut pa jun ik’ ri’ jacha’ taqanik taqom chi rij ri’.

Eri keb’ tz’ajb’al rech ri’ le katajin roksaxik pa le wokajil chak patan ri pa le Uk’u’x Jachakunb’al ri’, eri nab’e xmajtaj uchakuxik pa ik’ diciembre kanoq ri kakowin ri’ kutz’ajo uwach 350 pa 400 chi’ DPI pa jujun kajb’al ri’ eri ukab’ chik are xmajtaj k’a pa lunes 15 rech mayo ri’ are katajin che utz’ajik 700 pa 750 chi wujil pa jujun kajb’al ri’.

Eri Uk’u’x Jachakunb’al xuquje’ ri nik’aj jachakunb’alil rech ri RENAP pa kiq’ab’ chik k’o wi le 131 mil DPI che ri tz’ajital chik che ri maja’ na kasik’ kumal taq ri winaqil ri’ xuquje’ are rech kab’inisaxik ujachik pa ronojel ri’ xmajtaj kasik’ixik ri winaq pa oqxa’nib’al tzij pa taquxa’n chi ke ri’, are chak patan katajin ri’ k’a pa le Uk’u’x Q’axaltzij rech pa Wokajil ri’, jeri’ xuya’ ub’ixik ri Ramiro Toledo, K’amal b’e pa le Wokajil rech Tob’anik ri Tz’ib’atal ri wujtzijol ri’.

Xa’pa chi ke winaq ri’ we k’o jun rajawaxik kuta ri’ chach’a’w loq pa le RENAP ri’ ya’tal ri’ kach’a’w loq pa le 1516, pa uq’ijol chak patan pa taq lunes k’a pa sábado pa 7:00 kajb’al rech Saqarib’al pa 7:00 kajb’al rech chaq’ab’ ri’ xuquje’ e pa taq domingos pa 8:00 k’a pa 13:00 kajb’al ri’.

 

COMPARTIR