Eri tz’apil pache’ pa Mariscal Zavala k’o keq’axix chi ke pa Japache’ rech zona 18

316

Aretaq xb’antaj ri molinem rech Taqawokaj pa Rachoch Nima K’amal b’e ri’ eri Taqawokajnel Ya’olchajinik, Francisco Rivas Lara, xuya’ ub’ixik che xa’ e 135 chi e ajpache’ ke’uq’i’o pa le tz’apib’al k’o la Base Militar Mariscal Zavala, rumal ri’ katajin rilik rech keq’axaxik e 20 chi ke pa le Tz’apib’al kech Achijab’ k’o pa le Zona 18.

Eri Ministro ri’ xuya’ ub’ixik ucholaj che “Xa’rumal k’ut jun taqanik xutaq loq rumal ri q’atol tzij Miguel Ángel Gálvez e k’o xek’am b’ik pa le Base Mariscal ri’ eri xek’am b’ik chi’ eri k’o nim Elaq’ Kimak xkib’an pa le Taqawokaj ri’ rumal ri’ xopan ri kajilab’al pa 95 ri’ rumal ri’ k’o jo’ob’ chilme’t rilik xb’an chi’, man k’ot jun chik kuq’i’ tane chi’ rumal ri’ k’o keq’axaxik pa le tz’apib’al k’o pa zona 18 ri’, xuquje’ k’o ketaq pa nik’aj chik tz’apib’al ri’, are rech kajamataj kanoq jub’ik chi’, rumal ri’ kaqab’ij na che ri q’atol tzij Gálvez ri’ rech keqataq chi la’ ri e keraqataj kamik pa le Mariscal Zavala ri’, xcha’.

Eri Ministro xuya’ ub’ixik chik che are wa’ le tob’anik ya’om kumal ri komon tinamit kepe naj rech k’o nik’aj chik ja k’olib’al keyak chi’ xuquje’ rech k’o kasuk’umaxik pa le japache’ pa we junab’ ri’.

 “Qastzij b’a’ che pa k’isb’al rech ri 2016 kayakataj chik ri’ keb’ k’ak’ ja rech tz’apib’al chi’, chi’ k’u ri’ ke’uq’i’ ri’ e jun mil chi e ajpache’ ri’ xuquje’ kanimar ri’ uwach ri k’olib’alil chi’ rech man kakititz’o ta chik kib’ ri’”, xcha’ ri Rivas Lara.

Xuquje’ xuya’ chik ub’ixik che pa le wuqq’ij kanoq xtaq pa le Cholchak Jaqom uwach rech kanimarsaxik ri pwaqil tojb’al chak pa 700 millones chi pwaqil pa Iximulew ri’ rech kayak ri’ ri wokajil japache’ tz’apib’al ri rajawaxik ri’.

COMPARTIR