Eri e tz’apil pache’ xeq’axaxik pa taq nik’aj chik ajpache’ ri’

241

Eri kiq’axaxik ri’ are uwach ri ub’eyal jikomal chajinik pa taq wokajil japache’ pa we amaq’ ri’, eri q’atb’altzij rech ri Ministerio rech Gobernación xuquje’ ri rech Wokajil Japache’, e are xkitaq kimajik kiq’axaxik pa le k’isb’al wuqq’ij kanoq ri’, ri 322 e ajpache’ ri’ pa taq nik’aj chik tz’apib’al pache’, e k’o 160 chi ke e rech nik’aj paisas xuquje’ eri 162 chi ke chik e rech molaj b’anol k’ax ri’.

Eri taqawokajnel ya’olchajinik ri’, Francisco Rivas Lara,  xuya’ ub’ixik che xeq’axaxik ri’ rumal resaxik ketaqan chik chi ke pache’ tz’apib’al xuquje’ are rech man k’ot chik b’anow k’ax kib’an tane’ k’a pa japache’ ri’.

“Are wari’ ri jun nab’e kiq’axaxik xb’antaj ri’, xuquje’ chomam chik che e k’o nik’aj chik keq’axaxik na pa taq nik’aj chik tz’apib’al rumal keya’ pa kichajinik ri’” xcha’ ri Rivas Lara.

Eri xeq’axaxik pa we q’ij ri’ k’a pa Fraijanes I pa le japache’ ub’I’ El Infiernito, che ri k’o wi nim ya’olchajinik ri’, je ri’ xuya’ ub’ixik ri Ministerio rech Gobernación ri’.

Eri kiq’axaxik xmajtaj ri’ k’a pa domingo ri e ajpache’ rech ri Infiernito pa Pavoncito xuquje’ are xterenb’ex kiq’axaxik pa we q’ij miércoles eri e ajpache’ rech Fraijanes I xeq’axaxik pa le Infiernito ri’.

COMPARTIR