Eri República Dominicana ke’utijoj ri Eqa’lenelab’ rech K’ak’ B’anikil Ya’olchajinik Pache’ ri’

356

E 89 chi e aj iximulew keb’ek pa sábado ri’ pa República Dominicana rech kakimajo jun retal Tijob’en ib’ chi ke Eqa’lenelab’ rech Ya’olchajinik chi ke ri e tz’apil pache’ ri’, are wa’ rech ukojik ri k’ak’ b’anow ya’olchajinik pache’ ri’, are rech kesuk’umax ri e ajpache’ chi’ rech e utz chik ketzalij kuk’ taq kachalal ri’ rech kakisuk’umaj kib’ man kakib’an ta chik b’anow k’ax ri’.

Eri molaj ajtijoxel winaq ri’, e 35 chi achijab’ ri’ xuquje’ e 54 chi ixoqib’ ri’, ri kek’oji oxib’ ik’ pa le tinamit caribeño ri’, are uwach taq q’ij kenajtib’ ketijoxik ri’chi rij b’anikil k’ak’ b’anow ya’olchajinik ri’.

Pa le tijonem eta’manik ri’ ketijox ri’ chi rij ri ya’talil winaqil chi ke ri e ajpache’ e tz’apilik ri’, xuquje’ chi rij b’anow chomanem q’atenik ch’ojinik ri’. Xuquje’ kaketa’maj chi rij taq b’anikil retab’al b’anow ruk’ b’anikil ya’olchajinik pache’ ri’; b’anikil chajinik ruk’ b’anow ilonem pache’ ri’, xuquje’ chi rij nik’aj eta’manik ri’.

Eri ya’b’al tijonem ri’ are chak patan ya’talil rumal ri ministro rech Gobernación, Francisco Rivas, rech kakojik Jun K’ak’ B’anikil Chak Patan Pache’ ri’, are rech kaq’atatajik ri b’anow k’ax kumal ri e ajpache’ ri’ xuquje’ rech kakisuk’umaj kib’, rech utz unimaxik kakib’ano ri tojb’al kimak chi, rech e utz chik ketzalij pa taq kachoch kuk’ taq ri kachalal xuquje’ kuk’ ri katinamit ri’.

Pa le ch’ob’otal chak ri’ xuquje’ kachakuxik ri yakonem pa le wokajil ri’ xuquje’ rech k’o k’ak’ yakon ja kab’an ri’, rech qastzij b’a’ rech keya’ wi ri e tz’apilik ri’ rech kesuk’umaxik, rech e k’o k’ut e ajilol kech sib’alaj k’o keta’mab’alil ri’ xuquje’ ri kesolin kech ri chakunik, tijob’en ib’  kakib’an ronojel q’ij ri’. Are rech b’a’ eri k’olib’al taq tijob’al rech qastzij b’a’ rech kakoj che tijob’en ib’ ri’ xuquje’ eri b’anikil chak are qas kakinimaj ub’anik ri’, xuquje’ rech kakib’an loq’ che ri ja k’olib’al ri’.

Pa taq le japache’ ri’ kakoj wi ri chomab’al rech maj titz’in ib’ chi’, chi’ k’ut eri e ajpache’ sib’alaj jamal uwach k’ut kek’oji wi’, xuquje’ k’o ri’ le kaya’taj wi’ rech kakisuk’umaj kib’. Xuquje’ ya’talil pa kajilab’al rajchak rech ke’ilon chi ke, xuquje’ rech kanimaxik ri taqom ub’ixik pa le Taqanik rech le patanem pa Japache’ ri’.

We jun k’ak’ taqanik chak patan chi’ are tob’am uwach pa le k’aslemam chi rij ri’ rumal ri República Dominicana, ri xkoj ri’ chi’ k’a pa le 2003. Eri e ajpache’ xek’oji pa le jun k’ak’ b’anikil chak patan ri’ sib’alaj xkisuk’umaj kib’ ri’ chi kuwach ri xaq e k’oji pa taq le japache’ ri’.

COMPARTIR