Xmajtaj pa jumul chik ri molinem chomanik kuk’ ri winaqil rech San Mateo Ixtatán

221

Eri taqatal uwach are kuwa’lijsaxik ri joremal, ri jorob’anem xuquje’ ri k’iyemal pa tinamit Chinab’jul ri’, xtzalix chi loq ri b’anow chomanik ri’ le naj junab’ chik ok’owinaq man xb’an ta chik kuk’ ri winaq pa juyub’ tinamit rech San Mateo Ixtatán ri’, je ri’ ub’ixik xuya’o ri Gobernador rech Chinab’jul ri’ Hiram Martínez.

Eri Gobernador ri’, xub’ij che xa’rumal xkub’ ranima’ kuk’ ri winaq tinamit ri’ kub’inaq kik’u’x ruk’ taq taqawokaj rech Amaq’il ri’, xb’antaj k’owinem xtak’ab’ax uwach ri molin ib’ chomanik kuk’ taq ri winaq ri’ xuquje’ eri nik’aj chik k’o man xkub’ ta kik’u’x ri’ ruk’ chakunem rech esab’al q’aq’el k’amasaqil ri’ chi’.

Rumal ri’ eri viceministro rech Q’atel k’ax, Axel Romero xuya’ ub’ixik che uj uj Ministerio rech Gobernación ri’ kojtajin k’ut che ub’anik ri molaj chomanik ri’ pa le keb’ qapatan patanil tane’ pa le Taqawokajnem ri’ rech ya’olchajinik pa keb’ ub’antajil upetib’alil ri’.

Eri nab’e ub’ixik ucholajil xub’an ri Romero, are pa le uchomaxik we kamik ri ch’ojinik katajin ri’, chi’ k’u ri’ e k’o ajchomanelab’ chi rij le uchomaxik uwach ub’antajil ri jun hidroeléctrica, are wari’ “Jun ub’antajik che ri rajawaxik kaqachomaj uwach we kamik ri’ rech ri b’anow k’ax ri’ man ka’ok ta pa ranima’ ri komon winaqilal ri’”.

Pa le keb’ uwach chik eri Ministerio rech b’anow taqanib’al ri’, are rajawaxik naj uxe’ uwach le b’anow chomanik kub’ano rech uq’atexik ri b’anow k’ax ri’ pa tinamit ri’ xuquje’ rech kakub’isaxik uwach ri ya’b’al joremal, ki’kotemal, ri k’amow ib’ chi’ pa juyub’ tinamit je ri’ chupam je ri’ chi rij ri jun b’anow chomanik ya’olchajinik pa we amaq’ ri’.

Rumal ri’ sib’alaj rajawaxik ketaq ri Wokajil Ajchajil Tinamit chi’ kojpa’ ri chomatal chik pa taq le komon ri’ xuquje’ rech te k’u ri’ pa jikomal k’ut ketatb’en ri winaqilal pa le tijob’enik kab’an pa tinamit ri’, pa le juyub’ amaq’ ri’.

K’o keb’ molin ib’ chomanik katajin pa le uwokik ri taqawokajil, chi’ pa nimatinamit, k’o jun molinik rech b’anow chomanik kuk’ ri q’atb’altzij ri’ xuquje’ eri jun chik molinik are ruk’ ri k’amow ub’e tinamit ri’ rech kachoman kuk’ ri winaq pa tinamit Chinab’jul ri’”, xcha’.​

COMPARTIR