Ri Brownfiel xkub’isaj ri ya’el tob’anik che ri Ministro rech Gobernación ri’

225

Eri Ministro rech Gobernación Franciso Rivas Lara xuquje’ ri viceministros rech Ya’olchajnik, Ricardo Guzmán xuquje’ rech Antinarcóticos, Óscar Dávila; jeri ri K’amal b’e rech ri Wokajil Ajchajil Tinamit, Nery Ramos, Virginia Staab rech INL-GT xuquje’ ri Embajador rech Estados Unidos, Todd Robinson xemolin ruk’ ri Secretario rech Estado rech ri Oficina rech Asuntos rech Narcóticos Internacionales rech ri Taqawokaj rech Estados Unidos, William Brownfield ri’.

Pa le molinik ri’ are xchomaxik uq’atexik ri Awan Kunb’alil ri’ xuquje’ rech Ya’olchajinik ri’.

Eri Brownfield, xkub’isaj ub’ixik ri ya’el uchak patan rech tob’anik che ri Ministro rech Gobernación ri’.

Eri Taqawokajnel Ya’olchajinik pa we Amaq’ Rivas Lara, xumaltyoxij ri kitob’anik ri Brownfield, xuquje’ xkub’isaj b’anow uchak patn che ya’olchajinik chi ke ri winaqil e aj iximulew ri’.

Pa le Jaqib’al rech ri Tijob’al rech Suk’umal ib’ pa Fraijanes; eri Brownfiel xub’ij che ri jujun taq amaq’ tinamit ri’ e rajawtzij pa kech wi, xuquje’ chi kijujunal kakicha’o ri’ le ub’eyal q’atenik rech ri awan kunb’alil ri’.

“Kinb’ij in eri taqawokaj aj iximulew k’o k’i taq chak patan ub’anom chik, ri pajtalil uwch xuquje’ k’o jun nim uchuq’ab’ ukojom pa le q’atenik ri awan kunb’alil ri’, pa le juyub’ tinamit Iximulew ri’. Rumal ri’ ukojom ub’eyal taq ya’olchajinik pa taq uwokajil sak’ajil ajchajil tinamit ri’ xuquje’ eri kichakub’al rajawaxik are rech ri’ kiq’atexik ri molaj taq b’anol k’ax e uq’atim chik ri’ che ri tajin kakib’an k’ax chaqe ri’; are wari’ kupatanij ri tzijonem chomanik kuk’ taq ri e ajkomon tob’anel ri’ rech rech te k’u ri’ katerenb’exik pa k’iyalaj taq junab’ ri’”, xcha’ ri Brownfield.

COMPARTIR