Katajin ub’antajik uchomaxik ri K’amawem Joremal ri’ xuquje’ xmajik uchomanik kak’owisaxik unimaq’ Juwinaq ujunab’ juch’um chik uwach ri’

342

Ruk’ wa’ tajin uchomaxik rech konojel taq ri patanel Taqawokajnelab’ pa amaq’ ri’ pa wokajil k’ut kek’oji pa le chak chomanik ri’ chi rij taq le K’amawem Joremal ri’ rech kab’antaj kowinem kach’ob’ik jas ub’eyal ub’anikil taq kakoj chi rij ri’ rech uya’ik uchuq’ab’ pa komonb’alil ri’ xuquje’ rech junam kakichomaj pa komon kuk’ taq le Taqawokajil ri’ xuquje’ ruk’ le Wokajil Q’atb’altzij rech ri Joremal ri’ (SEPAZ) pa le b’anoj uchomaxik rok’owisaxik ri 20 ujunab’ are chi’ xjuch’ik uwach ri’, rumal ri’ eri viceministro rech Q’atel b’anoj k’ax, Axel Romero pa ub’i’ le Taqawokajnel rech ri Taqawokajem Ya’olchajinik pa Amaq’, Francisco Rivas Lara, xuya’ ub’ixik che ketajin k’ut pa juntir uchomaxik wari’.

 “Xujsik’ix k’ut rumal ri Secretaría rech ri loq’ Joremal rech kaqawok uwach chomanik puwi’ ri K’amawem Joremal ri’ rech kaqatzijoj kaqachomaj uwach ri cholb’al chak ri kumaj b’ik ri’, je ri’ kojpa’ jun cholchak rech rol’owisaxik le unimaq’ij rech tz’aqatisab’al le 20 ujunab’ ri’”, xcha’ ri Romero.

 “Aretaq kujtzijon ri uj chi rij ri q’atel b’anoj k’ax ri’ kujtajin ri’ che uq’atexik jun k’axk’olil pa tinamit ri’ ri are qas kupetisaj ri nik’aj k’axk’olil ruk’ kamisanik elaq’nik ri’ xuquje’ are rech kachomanik ri k’amal b’e rech ri Mingo ri’ pa komon kuk’ ri e ajchomanelab’ rech taq q’atb’altzij pa tinamit, kuk’ ri k’amal b’e tinamit xuquje’ kuk’ taq ri komon winaqilal ri’, rumal ri’ are nim upatan le ya’talil uq’ab’il chomanik pa le uq’atexik b’anoj ta ch’oj ri’”, xcha’ ri Romero.

Le utzalaj woksolinem chak rech ri taqawokaj pa amaq’ ri’

Eri Victorina Salanik, ajtz’ib’anel q’atb’altzij rech ri loq’ Joremalil ri’ xuya’ k’ut ub’ixik che we le riqb’alil ri’ are rech kaya’ pa komon utzalaj uwoksolinik ri chak patan ri’ pa taq le taqawokajil ri’ xuquje’ are rech b’a’ kak’oji jun utzalaj kitotab’enik pa le Consejo Nacional rech K’amowem  loq’ Joremal ri’, rech katerenb’exik pa taq le unimaxik ri’.

 “Pa jujun Taqawokajil ri’, k’o jun ajk’amal b’e xk’ojik rech katzijonik kachomanik pa le wokajil ri’ xuquje’ rech kilik jas le ub’anikil le sik’inik kakib’an pa le Unimaq’ij ri’ aretaq kuk’is 20 ujunab’ kojom chik ri K’amowem  loq’ Joremal ri’”, xcha’ ri Salanic.

COMPARTIR