Ri Ciberya’olchajinik are katajin ukojik pa uwachulew ri’

92

Are rech uya’ik ub’ixik ri’ xuquje’ ri k’aslemam ri’ rech uq’ansaxik uchuq’ab’ ri ya’olchajinik pa kemamtzij pa juntir uwachulew ri’, are utaqim uwach kachomaxik pa le Foro ub’i’ “Ukojik pa Juntir le ik’ ri’ rech pa le Uch’ob’ik ub’anikil ri Ciberya’olchajinik ri’”, pa le xtatb’en wi ri viceministro rech Tecnologías rech ri Tzijolil ri’, Gabriel Juárez, pa Washington, Estados Unidos.

Eri ilb’anik ri’ are xb’an rumal ri Organización rech ri Estados Americanos (OEA), ruk’ ri Alianza Nacional rech Ya’olchajinik Cibernética rech Estados Unidos ri’ xuquje’ xe’umolij ri e ajno’jinel rech pa taq najtinamit ri’ chi rij ri ciberya’olchajinik ri’.

Eri tatb’enelab’ xkib’ij chi rij ri kupatanij kakojik ri ya’olchajinik ri’, rech b’a’ kakito’ kij ri ke’ok pa taq kemamtzij ri’ xuquje’ jeri’ kumal ri taqawokaj rech jujun taq nimatinamit, rech pa komon kechakun kuk’ ri wokajil e ajpoq’sal chak meb’il ri’, rech q’atel ri k’ax pa le kemamtzij ri’.

Eri Juárez xuya’ ub’ixik che pa Iximulew ri’ we kamik arre katajin rilik rech kakojik jun ub’anikil ub’eyal ri’, rech katob’anik che ub’anik uch’ob’ik chi ke ri taq ak’alab’ pa taq tijob’al jeri’ pa tinamit winaqil ri’, chi rij taq ri k’ax che ri kakik’ulmaj pa ukojik ri kemamtzij ri’.

“Eri ub’eyal ri’ are rech ke’uk’am konojel ri winaqil rech kakipatanij pa junamil ke’opan wiri’ xuquje’ rech kaqupixik ub’e’al ruk’ ri wokajil ajpoq’sal chak meb’il ruk’ ri wokajil pa tinamit ri’, rumal k’ut eri ciberya’olchajinik are jun tijow chuq’ab’ chak pa we amaq’ jacha’ pa le rilik ri’”, xcha’ ri viceministro.

Pa le ilb’anik ri’ xetab’enik ri Secretario General rech ri OEA, Luis Almagro, ri K’amal b’e rech ri Alianza Nacional rech Ya’olchajinik  Cibernética, William   O´Connell xuquje’ ri Subsecretaria pa le Jachakunb’al rech Ciberya’olchajinik xuquje’ rech Tzijob’en ib’ rech Estados Unidos ri’.

COMPARTIR