Are rech katerenb’exik ruk’ jun utzalaj kchak patan e ajchajil tinamit ri’ xuquje’ pa juntir kawokajil, eri Ministro rech Gobernación, Enrique Antonio Degenhart xub’ij ri’: “Konojel ri e ajpatanel pa le ministerio rech gobernación pa amaq’el e k’o chi uxe’ ri etab’al b’anow ri’”, are rech eri q’atb’altzij ri’ kakib’an b’a’ pa saqil jun utzalaj kchak patan ri’.

“Ma are ta ri’ jun xalam b’antajil etab’anik ri’, rumal ri’ sib’alaj rajawaxik b’a’ eri ajpatanel ri’ pa saqilem b’a’ kakib’an ri kchak patan xuquje’ jeri’ ruk’ le Ministerio ri’ rumal are sib’alaj rajawaxik che”, xcha’ ri taqawokajnel ri’.

Xuquje’ xub’ij eri k’exnem ri’ are kuya’ uchuq’ab’ ri taqawokajil jacha’ pa le ub’antajil ri PNC ri’, “kojtajin che kak’amik winaq chi saq rech keqakoj tane’ pa chak ri’, kojtajin k’ut che raq’ansaxik keqale’n ri e ajtaqonel che ri jeri’ tz’aqat chi ke, che k’o nimachak kb’anom ri’, ketajin k’ut che ukojik pa chak patan ri keta’mam ri’ pa le ya’olchajinik chi ke konojel ri winaqilal e aj iximulew ri’. Are wa’ jun b’anow chak k’o pa usuk’al utaqim ri’ rech kekoj nik’aj chik e utz taqanel pa le eqale’n ri’ pa le wokajil rech ya’olchajinik pa we amaq’ ri’”.

Ri utzalaj chak b’anom ri’

Eri Ministro Degenhart xuya’ ub’ixik che ri q’atb’altzij rech ajchajil tinamit e alel ri’ k’o jun utzalaj kchak patan xkib’ano, rumal k’ut xkik’ub’isaj uwach ri wokajil rech ri PNC ri’, “eri k’exnik ri’ are sib’alaj utz ri’ man k’ot itzelal che, jewa’ kaqab’ano rech kaqaya’ kokik nik’aj chik taqanel ri’ xuquje’ rech ke’ok che ub’anik utz ya’olchajinik pa tinamit ri’”.

Eri taqawokajnel rech ya’olchajinik pa amaq’ ri’ xub’ij che ri b’anow q’atel k’ax kamisanik are nimalaj xqaj ri’ pa retal rumal xkikoj kachuq’ab’ ri k’amal b’e rech ri PNC, “xuna’tisaj ri’ ub’ixik che pa konojel ri’ xkiwok uwach jun nimab’anow chak ri’ che ri xuya’ utzalaj uwach ri’. Sib’alaj rajawaxik b’a’ eri q’atb’altzij ri’ e are kakik’am ub’e ri komonchak ri’, rech utz kchak kpatan ri eqa’lenelab’ kakib’an ri’ xuquje’ jeri’ pa le wokajil ajchajil tinamit”.

Eri chak ri’ katerenb’ex na

Pa k’isb’al rech eri Ministro Degenhart xub’ij che ri chak ruk’ ri Comisión Internacional Contra la Impunidad pa Iximulew CICIG xuquje’ ruk’ ri Ministerio Público katerenb’ex na ub’anik ri’.