Ri Departamento rech Tránsito rech PNC k’o kiwujil xuya’ chi ke e 43 PMT rech Ya’olchajinik K’utbe

93

Eri Departamento rech Tránsito rech ri Wokajil Ajchajil Tinamit, k’o pa uq’ab’ ri Sección Especializada rech ri Ya’olchajinik xuquje’ rumal ri PMT pa juyub’ tinamit, e are ri’ e ajilol rech ri ya’olchajinik ri’ xuquje’ katijoxik ri e ajchajinel rech taq tinamit ri’ e are k’ut e ajilol rech ri q’’atam ub’anikil wa’katem pa taq nimab’e ri’.

Are wa’ uwach kichak patan ri’ che ri xetijox chi rij pa le tijonik xya’taj chi ke Ajtijonel rech K’utb’e ri’, chi’ k’u ri’ xetatb’enik e 43 eqa’lenelab’ rech Tránsito rech ri 18 jachakunb’alil pa we amaq’ tinamit ri’.

Eri Otoniel Sandoval, taqanel rech ri departamento rech Tránsito rech PNC sib’alaj ki’kotem che rumal katajin che katijoxik ri Uwaqxaq Puq rech Atijonel wari’ rech pa k’utbe, e are k’u ri’ xetijoxik chi rij jalajoj uwachtzijonem ri’ pa le uwachil ri no’jtijob’enik chi ke Ajchajinelab’ rech pa taq Tinamit ri’.

Eri Manolo López, taqanel rech ri Sección rech Solinchajinik xuquje’ Ya’olchajnik ri’, xub’ij che ri chak ri’ are pa taq 64 kajb’al chi rij reta’maxik uwach wari’ xuquje’ rech b’anow chak patan ri’ kuk’ ri 43 eqa’lenelab’ rech taq tinamit ri aretaq kakik’iso ri retal tijob’en ib’ ri’ rech k’o kiwujilal kaya’ik chi rij e Atjijonel B’anikil K’utb’e ri’.

Eri eqa’lenelab’ rech ri PMT che ri xetijoxik pa le uwaqxaq puq ajtijoxel ri’ xecha’ik nab’e pa jun sik’inem xb’an chi ke ri’ pa amaq’ tinamit rech pa le uterenb’exik katijoxik ri e ajchak ri’ rech kakijipij ri eta’manem ri’ pa taq katinamit.

Eri Comisario Sandoval xuya’ ub’ixik che are wa’ k’o kupatanij chi ke konojel ri wokaj eqa’lenel rech Tránsito ri’ rech ya’tal kiwujil rumal ri’ Departamento rech Tránsito rech PNC rumal k’ut are q’atb’altzij chi rij ri’.

Pa le k’uttijonem ri’ xetatb’enik ri Ajchajinelab’ rech Tránsito pa taq tinamit ri’: rech Barberena, Chiquimulilla xuquje’ Taxico, Santa Rosa; Tiquisate, Escuintla; Patulul xuque’ Chicacao, Suchitepéquez; San Juan Sacatepéquez, Sacatepéquez; Momostenango, Totonicapán; Barrillas, Huehuetenango, San Martín Jilotepéque, Chimaltenango; Mataquescuintla, Jalapa, Villa Canales xuquje’ rech Mixco, Guatemala; Sololá xuquje’ rech Xe’laju’ ri’.

COMPARTIR