Ri e ajk’ay xkimaltyoxij ri tob’anik ruk’ ri ya’olchajinik rumal ri POLIMERC

485

Ruk’ ri jun Banda Escolar ruk’ ri ch’ich’ wiqom ri’ ri xkojik pa le lajuj unimaq’ij ri Wokajil Ajchajil Tinamit rech taq K’ayib’al (POLIMERC), eri e ajk’ayib’ rech taq ri 102 k’ayib’alil pa we amaq’ xkimaltyoxij ri tob’anik ruk’ ri ya’olchajinik che ri ya’om ri’ pa k’iyalaj junab’ chik, jeri’ xkiya’ ub’ixik ri e ajchomanelab’ rech ri k’ayib’alil ri’.

E k’o 20 chi ak’alab’ e nab’ijnaq chuwach ri cholb’inik ri’ kikojom katz’iyaqb’al e ajchajil tinamit ri xkiya’o ri utzil uwach ri Viceministro rech Ya’olchajinik Ricardo Guzmán Loyo xuquje’ che ri Comisionada Presidencial rech ri Reforma Policial, Adela de Torrebiarte xuquje’ ri Taqanel rech ri POLIMERC, Vladimir Share Solís ri xkilo xe’ok’owik ri ch’ich’ e wiqotal ri’ chuwach ri Uk’u’x Nimrachoch pa Uk’u’x Nimatinamit ri’.

Eri Guzmán Loyo, xuya’ ub’ixik che ri Polimerc are ri’ jun wokaj ajchajil tinamit ri xb’antaj lajuj junab’ ri’ xoksaxik pa le upatanib’al ri Adela de Torrebiarte, “xuquje’ we jun wokajil ri’ are kuya’ na tob’anem ya’olchajinik chi ke ri winaqilal ri’ jeri’ chi ke e ajk’ay kuk’ e ajloq’ow ri’, rech pa joremal jikomal xuquje’ rech ri Polimerc e are k’ut kakiya’o joremal kub’sib’al k’u’x chi ke ri winaq ke’opan chi’”.

“Eri chakunem ri’ are wa’ k’o nim kupatanij ri’, maltyox b’a’ chi ke ri e ajk’ayib’ ri’ sib’alaj kik’amom uq’ab’il kichak kipatan ri eqa’lenelab’ rech Polimerc”, xcha’ ri Adela de Torrebiarte.

Ri José Domingo Tzul, k’amal b’e rech ri k’ayib’alil 3 de mayo xub’ij che ri chak ub’anom ri Polimerc pa taq le k’ayij ri’ are sib’alaj utz, rumal ri’ xumaltyoxij ri chak patan ri’.

Jeri’ ri César Rodas ajk’ayinel xkub’isaj ub’ixik che k’a are xk’oji ri Polimerc pa taq ri k’ayib’al ri’, xqaj kichuq’ab’ ri elaq’omab’ chi’ rumal wari’ sib’alaj xumajltyoxij chi ke ri eqal’enel ri’.

Eri Vladimir Share Solís, e 209 eqa’lenelab’ rech ri Polimerc che ri pa komon uya’om tob’anik chi ke ri e ajk’ayib’ rech taq k’ayib’alil ri’ jeri’ chi ke ri e aj iximulew che ri ke’opan chi’.

“Kaqaj uj eri e ajloq’ow ke’opan chi’ pa taq ri k’ayib’al ri’ pa joremal kek’oji chi’ xuquje’ rumal ri’ tijob’em ri e ajchajinelab’ rech kechajin chi’ chi ke ri wina e aj iximulew ri’ le eqa’lenelab’ rech ri Polimerc”, xcha’ ri Share Solís.

COMPARTIR