Are wa’ rech uq’atexik winaq e k’amom b’ik pa k’ax ri’, ri awan jastaq kunb’alil, ri q’axan k’aqb’alil ruk’ awan kunb’alil maj pa usaqil ri’, rumal ri’ xetaqik ri 150 eqa’lenelab’ rech ri Wokajil Ajchajil Tinamit ri’, kuk’ e 100 eqa’lenel rech ri Ministerio rech ri Defensa xuquje’ kuk’ e jo’ob’ rech ri superintendencia rech Administración Tributaria (SAT), are wa’ kuwach ri k’ak’ pa uwokajil ri Tarea Xinca, rech kechajin pa k’ulb’a’t juyub’ ruk’ El Salvador ri’.

Eri k’utb’al kech ri fuerza de tarea ri’, are xb’an pa le Tercera Brigada rech Infantería General, Manuel Maximiliano Aguilar Santa Maria, pa le rachochib’al k’o pa Jutiapa ri’.

Pa le ilb’al ri’ xtatb’en ri Ministro rech Gobernación, Francisco Rivas Lara, ri Viceministro rech Seguridad, Ricardo Guzmán, ri Viceministro Antinarcótico Oscar Dávila, ri Taqanelab’ rech ri Wokajil Ajchajil Tinamit ri’, ri Ministro rech ri Defensa, Williams Mancilla xuquje’ ri Mark Berry rech ri guardia Nacional rech Arkansas Estados Unidos ri’.

“Kinmaltyoxij ri tob’anik uya’om ri Estados Unidos rumal ri 32 chi ch’ich’ jeepJ8 ruk’ ri radio multibanda, ruk’ ri 12 ch’ich’ eqa’nib’al Isuzu rech 9.5 reqa’b’alil ruk’ jun Ch’ich’ Scaner, waqxaqib’ Pick Up, ruk’ jun puq ya’olchajinik ri’ xuquje’ ri tob’anik rech b’anow chak patan ri’ pa taq k’ulb’a’t juyub’ ri’”, xcha’ ri Rivas Lara.

Xuquje’ eri ajpatan ri’ xuya’ ub’ixik che ri Fuerza de Tarea kopan ri’ pa taq le juyub’ tinamit rech Jalapa, Jutiapa, Santa Rosa y Escuintla.

Eri viceministro Antinarcótico, Óscar Dávila Mejicanos, xub’ij che xb’antaj nim taq ya’olchajinem tzukunik rech kiq’atexik ri nuk’wokaj b’anol k’ax ri’, rumal ri’ k’o utzalaj taq b’anow xilotaj rumal ri’.

“Ruk’ tijow chuq’ab’ xuquje’ ruk’ ronojel chuq’ab’il xaqab’an wari’ xuquje’ we kaqaterenb’ej wa’ kojkowin che ub’anik nik’aj chik utzilem ri’ xuquje’ k’o utzalaj uwachinik chi rij ri q’atenik awan kunb’alil, ri pwaqil rech pa qatinamit xuquje’ ri rech pa qatinamit taj; jeri’ jacha’ ri resaxik taq ri marihuana ruk’ ri amapola ri’”, xcha’ ri viceministro Dávila Mejicanos.

Eri eqa’lenelab’ e ajchajil tinamit kuk’ ri rech e Ajchajil Amaq’ xetijoxik kumal ri  Guardia Nacional de Arkansas, Estados Unidos, liderados por Marc Berry.

Eri Berry xuya’ ub’ixik che ri eqa’lenelab’ rech ri fuerza de tarea ri’ ketajin che ukojik ri keta’mim ri’ pa le ya’el utzilem chi ke ri winaq tinamit ri’.

Eri eqa’lenelab’ rech ri fuerza Xinca xkik’is katijoxik kib’ xuquje’ xek’uttijoxik rumal ri Programa rech Q’atel taq B’iwb’anow k’ax kamisanik pa taq nik’aj chik nimatinamit naj ri’ (CTOC).

COMPARTIR