We chomanik ri’ are rech kakititz’ ta kib’ chik ri e ajpache’ pa taq le kitz’apib’al ri’, eri Ministro rech Gobernación Francisco Rivas Lara, xuya’ ub’ixik che rajawaxik kasach chi rij ri’ Q 700 millones rech pa le uya’ik uchuq’ab’ pa Uwokajil Japache’ ri’ (SP) pa juntir taq pache’ tz’apib’al ri’.

Rumal k’ut sacham kan uwach ri japache’ ri’ b’antajinaq chik 50 junab’ ri’, eri q’atb’altzij rech gobernación uchomam chik kukoj Q700 millones pa taq le cholchak rech yakib’al rachoch taq ri japache’ pa le juyub’ tinamit rech Escuintla, Santa Elena, Petén xuquje’ ri pa le  Granja Penal Cantel pa Xe’laju’ ri’.

“K’i taq junab’ kumaj b’ik rech kab’an jun nim yakon ja ri’ xuquje’ paqal rajil ri’, man kak’is ta ub’anik ri’ aretaq kaqajach kan ri qapatan uj, are wari’ katerenb’exik kumal nik’aj taq taqawokaj k’amal b’e amaq’ kepe na chik, are wa’ chakunik ri’ kak’is ta na pa keb’ oxib’ junab’ tane’ are wa’ jun chakunik xya’ kan ub’anik k’a pa 50 junab’ ri’”, xcha’ ri taqawokajnel ri’.

Xuquje’ eri taqawokajnel ya’olchajinik ri’ xuya’ ub’ixik chik che we kamik ri’ eri pache’ tz’apib’al ri’ kech achijab’ sib’alaj e titz’il e 300 por ciento ri’ xuquje’ eri ixoqib’ e k’o 500 por ciente kititz’im kib’ ri’.

Chi rij k’ut ri cholchak che ri tanab’im kan uyakik ri’ rech ri japache’ ri’, eri Rivas chi rij ri’ xub’ij che “are wa’ ma b’anom ta ri’ rumal k’ut k’ot pwaqil ya’om na pa qojom rumal ri’ ri Banco Centroamericano rech Integración Económica (BCIE) rumal ri pa utaqanib’al ri Congreso rech we Amaq’il ri’ che kuya’ ri’ jacha’ ri chomatal chik uwach ri’”.

Ri k’ak’ taqanem Pache’

Ri Rivas sib’alaj xuya’ ub’ixik che katajin upatanixik ukojik ri k’ak’ taqanem pa wokajil japache’ ri’ rech qas kanimaxik ri ya’tall chi ke winaqilal ri’, rech kutzursax kuwach ri e ajpache’ ri’.

“Rajawaxik kanimaxik upatanixik rech utzursab’al kuwach ri’, rumal ri’ xb’an jun ub’anikil chomab’al taqanik pache’ ri’ rech kamaj upatanixik jun k’ak’ taqanem rech kutzurisaj kuwach ri e ajpache’ ri’, pa le unimaxik ri ya’talil chi ke ri’”, xcha’.

Are wa’ kapatanixik pa taq le 22 japache’ k’o pa amaq’ Iximulew ri’.

COMPARTIR